ۇلى ابايدىڭ ايەلى ايگەرىمنىڭ قوبديشاسى تابىلدى
اباي اۋدانىنىڭ ىرگە تاسىن قالاعان، شاكارىم قاجىنىڭ كوزىن كورگەن كەنجەتىلەۋ دولانبەك ۇلىنىڭ بالاسى ايدار كەنجەتىلەۋ ۇلى ابايدىڭ ەكىنشى ايەلى ايگەرىمنىڭ باتەت ءازىمحان قىزىنا سىيلاعان قوبديشاسىن مۋزەي قورىنا تاپسىردى.
بۇل سىيلىقتىڭ يەسى باتەت اپامىز - رۋى جىگىتەك، بوجەي ۇرپاعى ەكەن، دەپ حابارلايدى Baq.kz اقپارات اگەنتتىگى.
كەنجەتىلەۋ ۇلىنىڭ ايتۋى بويىنشا، باتەت ءازىمحان قىزى ىرعىزباي اۋىلىنا كەلىن بولىپ تۇسەدى. بۇرىنعىنىڭ سالتى بويىنشا، اعايىن-تۋىس كەزەكتەسىپ، ەسىك كورسەتۋ ءۇشىن جاس كەلىندى قوناققا شاقىرىپ وتىرعان. سوندا ايگەرىم كەلىن بولىپ تۇسكەن باتەتتى ءوز ۇيىنەن ءدام تاتتىرىپ، سوڭىندا وسى قوبديشانى سىيعا تارتقان. ونىسى - «قۋىس ۇيدەن قۇر شىقپاسىن»، يگىلىككە باستاعان ىرىم بولسىن دەگەنى. كەنجەتىلەۋ ۇلىنىڭ اناسى اقليا - باتەت ءازىمحان قىزىنىڭ تۋعان ءسىڭىلىسى. 1967 -جىلى باتەت اپامىز قوبديشانى كەنجەتىلەۋ ۇلىنىڭ ايەلى باقىتقا بەرگەن.
مىنە، وسىلايشا، كەنجەتىلەۋ ۇلى ايگەرىم سىيعا تارتقان قوبديشانى ەندى مۋزەي قورىنا تاپسىردى. كونەنىڭ كوزى بولعان قوبديشا مۋزەي قورىندا ساقتالىپ، جۋىق ارادا جۇرت نازارىنا ۇسىنىلادى.
