الپامىس ءشارىموۆ: ديماشتىڭ ەمىن- ەركىن ءجۇرۋى قيىنداپ كەتتى
جۇرت نازارىنداعى ءانشى جىگىتتىڭ بۇگىندە تىستا ەمىن- ەركىن ءجۇرۋى وڭاي ەمەس.
بۇل تۋرالى ن ت ك ارناسىنىڭ «رەۆيۋ» باعدارلاماسىندا ايتىلدى.
ءيا، ديماشتى كورسە ديارستاردىڭ شىعار جانى بولەك! العاشقىدا قازاق بالاسىنىڭ اتى اسپان استى ەلىندە ايگىلەنىپ، كەيىن جارتى جىلدا جاھانعا تانىلا باستاعان جاس جۇلدىزداردىڭ تىزىمىنە ەنىپ ۇلگەردى.
«راس ايتايىق، ەمىن-ەركىن ديماشتىڭ ءجۇرۋى قازىر وتە قيىن. سەبەبى، ديماشتىڭ وسىنداي تانىمالدىلىعى، وسىنداي ەنەرگياسىنان كوپ ادام ۇلەس الىپ قالعىسى كەلگەن بولار، سوعان جاقىنداعىسى كەلەتىن بولار. «جاقسىنىڭ جانىندا ءجۇر» دەگەن قازاقتا ءسوز بار»، - دەيدى د. قۇدايبەرگەننىڭ PR- مەنەدجەرى الپامىس ءشارىموۆ.
بۇگىندە اتىشۋلى بەستىككە اينالعان «ناينتي ۋاندىق» جىگىتتەردىڭ، توپقا دەيىنگى قاراپايىم ءومىر سالتتارى كوزدەن بۇلبۇلداي ۇشقان. ءاردايىم يگلزداردىڭ ءجىتى قاداعالاۋىنداعى بويزبەند مەمبەرلەرى، قازىر قالاعان ۋاقىتتا قالادا ەمىن-ەركىن سەرۋەندەي المايتىن كۇيگە جەتكەن.
«مەترومەن، اۆتوبۋسپەن وڭاي جۇرە بەرەتىنبىز. ءبىراق، قازىرگى كەزدە ولاي جۇرە المايمىز. سەبەبى تانىپ قويادى، كورىپ قويادى دەگەن سياقتى. قازىر جاياۋ ءجۇرۋدىڭ ءوزى قيىن بولىپ بارا جاتىر»، - دەيدى «Ninety one» توبى.
