قازاقستاننىڭ بيۋدجەتىن تولتىرتىپ وتىرعان نەگىزگى بەس ايماق بەلگىلى بولدى

energyprom.kz پورتالىنىڭ اقپاراتىنشا، مەملەكەت قازىناسىنا تۇسەتىن سالىقتاردىڭ 60 پايىزى وسى ايماقتارعا تيەسىلى. ولار الماتى، استانا قالالارى مەن اقتوبە، اتىراۋ، قاراعاندى وبلىستارى.

جارتىجىلدىقتا بارلىعىنان باسا وزعان ادەتتەگىدەي - الماتى. قالا قازىناعا 823,8 ميلليارد تەڭگە پايدا اكەلگەن. اتىراۋ وبلىسى مەن استانا قالاسىنان 450 ميللياردتاي تەڭگە تۇسكەن. اقتوبە مەن قاراعاندىنىڭ سالىقتان تۇسىرگەن پايداسى 165 ميلليارد تەڭگە شاماسىندا.

مۇنايعا جاتپايتىن سالادان تۇسىرگەن ەلدىڭ تابىسى بەس تريلليون تەڭگە. بۇل 21 پايىزعا ارتىق. ونىڭ 3,2 تريلليونى سالىقتىق ءتۇسىم. قازىناعا قاراجاتتىڭ 2,2 تريلليون تەڭگەسى تابىس سالىعىنان، قوسىمشا قۇن سالىعى مەن الەۋمەتتىك سالىقتان تۇسكەن.

جۇرت ءۇي سالىعىنا 115,8 ميلليارد تەڭگە، كولىگى ءۇشىن 24,6 ميلليارد تەڭگە سالىق تولەگەن. سالىقشىلار جوسپاردى 120,2 پايىزعا ارتىعىمەن ورىنداعان. وتكەن جىلمەن سالىستىرعاندا سالىقتىق ءتۇسىم 400 ميلليارد تەڭگەگە، ياعني 14 پايىزعا ارتىق. ال جىلدىڭ اياعىنا دەيىنگى جوسپار قازىناعا 6,7 تريلليون تەڭگە تابىس اكەلۋ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى