ەلورداداعى ۇلكەن كوشەلەردىڭ بىرىنە حۋسەين بەن تالالدىڭ ەسىمى بەرىلدى
ەكى تاراپتى جاقىنداستىراتىن ورتاق تاقىرىپ كوپ. تۇرعىنداردىڭ جايلى ءومىرى ءۇشىن «اقىلدى قالا» تەحنولوگياسىن ەنگىزۋ، ينۆەستيتسيا تارتۋ، ساياباقتار سالۋ، اباتتاندىرۋ جانە كولىك كەپتەلىسىن ازايتۋ بويىنشا جۇمىستار اتقارىلىپ جاتىر.
اممان قالاسى مۋنيتسيپالدى كوميتەتىنىڭ ءتوراعاسى يۋسۋف ال شاۋاريب ەلوردانىڭ باس جوسپارىمەن تانىستى. سونداي- اق كەزدەسۋ اياسىندا يوردان حاشيميت كورولدىگىنىڭ كورولى حۋسەين بەن تالال اتىنداعى كوشەنىڭ اشىلۋىنا قاتىستى. ەلورداداعى ۇلكەن كوشەلەردىڭ بىرىنە حۋسەين بەن تالالدىڭ ەسىمىن بەرۋ - ۇلكەن مارتەبە. بۇل باۋىرلاس ەلدىڭ يوردانيا جۇرتىنا كورسەتكەن قۇرمەتى. اسەت يسەكەشوۆ ىزگى ءىلتيپاتتىڭ كورىنىسى ەكەنىن اتاپ ءوتتى. كوشە ەسىلدىڭ سول جاعالاۋىندا - EXPO قالاشىعىنىڭ ءدال ىرگەسىندە تۇر. داڭعىل ۇزىندىعى 3 شاقىرىمنان اسادى. جالپى قالالىق ماڭىزعا يە جاڭا توراپ 8 جولاقتى ەتىپ سالىنعان. بۇل جاپسارلاس جاتقان داڭعىلداردىڭ كولىك جۇكتەمەسىن ازايتۋعا سەپ.
ايتا كەتەيىك، 2010 -جىلى اممان قالاسىندا ق ر پرەزيدەنتى نۇرسۇلتان نازاربايەۆتىڭ اتىنا كوشە بەرىلگەن بولاتىن.
يۋسۋف ال شاۋاريب، اممان قالاسى مۋنيتسيپالدى كوميتەتىنىڭ ءتوراعاسى:
- استانا مەن امماننىڭ ءبىر- بىرىنەن ۇيرەنەرى كوپ. الداعى ۋاقىتتا تاجىريبە الماسامىز. جاس بولسا دا قارقىندى دامىپ كەلە جاتقان ءسىزدىڭ شاھارلارىڭىز قاتتى ۇنادى. قالا اكىمشىلىگى ۇلكەن كاسىپورىندار ورنالاساتىن ينۆەستيتسيالىق ورتالىقتاردى تارتۋدا جاقسى جۇمىس ىستەپ جاتىر. مۇنداي ورتالىقتاردىڭ كوبەيگەنى قۋانتادى.
www.24.kz
