يران كاسپيدەگى مۇناي كەن ورىندارى بويىنشا رەسەي، نورۆەگيا جانە قىتايمەن كەلىسسوزدەر جۇرگىزبەك
بۇل جايلى «Khazar Exploration and Production Co» (KEPCO) كومپانياسىنىڭ حالىقارالىق ىستەر جونىندەگى ديرەكتورى رامين حودافارين ءمالىم ەتتى، دەپ حابارلايدى يرنا.
ونىڭ ايتۋىنشا، سوڭعى اپتادا رەسەي، نورۆەگيا جانە قىتايدىڭ مۇناي مەن گازدى بۇرعىلاۋ جانە بارلاۋ سالاسىنداعى جەتەكشى كومپانيالاردىڭ وكىلدەرىمەن كەزدەسۋلەرى وتكەن.
كەزدەسۋ بارىسىندا كاسپي تەڭىزىندەگى كەن ورىندارىن وڭدەۋ جانە دامىتۋ بويىنشا ىنتىماقتاستىق بايلانىستاردىڭ مۇمكىندىكتەرى تالقىلاندى. سوڭعى جىلدارى يراننىڭ مۇناي مينيسترلىگى پارسى شىعاناعىنداعى مۇناي كەن ورىندارىن وڭدەۋگە باسا نازار اۋدارىپ كەلدى، الايدا سانكتسيالاردى جويۋ جانە شەتەلدىك كومپانيالاردىڭ قاتىسۋىنا كومەكتەسۋدى ەسكەرە وتىرىپ، مينيسترلىك قاجەتتى قارجىلىق قور مەن تەڭىز تەرەڭدىگىندەگى كەن ورىندارىن بۇرعىلاۋعا ارنالعان تەحنولوگيالاردى يگەرۋ ءۇشىن كاسپي تەڭىزىندەگى مۇناي كەن ورىندارىن وڭدەۋدى كۇن تارتىبىنە قويدى.
حودافارين سونداي-اق، KEPCO- نىڭ ينۆەستيتسيالىق كوميتەتى قۇرىلعاندىعىن حابارلاپ، اتالعان كوميتەتتىڭ كاسپيي تەڭىزىندەگى كەن ورىندارىن وڭدەۋ بويىنشا جوسپارلاردى جۇزەگە اسىرۋعا كاپيتال جانە تەحنولوگيالار تابۋعا مىندەتتى ەكەندىگىن ايتتى.
بۇعان دەيىن يران مۇناي كومپانياسىنىڭ باسقارۋشى ديرەكتورى حازار موحسەن دەلاۆيز رەسەيدىڭ مۇناي كومپانياسى «لۋكويلمەن» جاقىن ارادا كاسپي تەڭىزىندەگى كەن ورىندارىن زەرتتەۋ بويىنشا كەلىسىمدەر جاسالۋى مۇمكىن ەكەندىگىن جاسىرمادى.
ونىڭ ايتۋىنشا، كەلىسىمگە سايكەس، تاراپتار كاسپيدىڭ وڭتۇستىك بولىگىندەگى مۇناي كەن ورىندارىن زەرتتەۋ بويىنشا بىرلەسىپ جۇمىس ىستەيتىن بولادى. قازىرگى ۋاقىتتا كاسپي تەڭىزىنىڭ وڭتۇستىك بولىگىندەگى ساردار دجانگال كەن ورنىنىڭ 2500 م تەرەڭدىگىنەن مۇناي قورى تابىلىپ وتىر.
