اقتوبە تۇرعىنى ورالعا جەتكىزىلۋى ءتيىس ءۇش توننا المانى ساتىپ جىبەرگەن
اقتوبەلىك حابارلاما سايتىندا قازاقستان بويىنشا تاۋار تاسىمالداۋمەن اينالىساتىندىعىن جاريالاعان.
كوپ كەشىكپەي 36 جاستاعى سارىاعاشتىق كليەنت تابىلىپ، ول جىگىتكە تۇركىستاننان ورالعا 3 توننا المانى جەتكىزۋ قاجەتتىگىن ايتادى.
اقتوبەلىك جۇكتى الىپ كەتىپ، ونى اقتوبە قالاسىندا ساتىپ جىبەرگەن. جەمىستىڭ ساتىلىمىنان 765 مىڭ تەڭگە پايدا كورەدى. المانىڭ الدانعان يەسى پوليتسياعا شاعىمدانادى.
كوپ ۇزاماي قاسكۇنەم تابىلىپ، ۇستالدى. ول ءوز كىناسىن مويىندادى، قازىر ونىڭ ۇستىنەن «الاياقتىق» بابى بويىنشا ءىس قوزعالۋدا.
