ءال-فارابي اتىنداعى قازاق ۇلتتىق ۋنيۆەرسيتەتىنىڭ عالىمدارى روبوت گۋمانويدتىڭ قوزعالىس جۇيەسىن ويلاپ تاپتى
تەحنيكا عىلىمدارىنىڭ كانديداتى ا. ك. ەراليەۆتىڭ جەتەكشىلىگىمەن ىزدەنۋشى-عالىمدار قيىن جەرلەردەن ەركىن وتەتىن روبوت گۋمانويدتىڭ قوزعالىس جۇيەسىن ويلاپ تاپتى، دەپ حابارلايدى ۋنيۆەرسيتەتتىڭ باسپا ءسوز قىزمەتى «ۇلتتىق مەملەكەتتىك عىلىمي-تەحنيكالىق ساراپتاما ورتالىعىنا» سىلتەمە جاساپ.
عىلىمي جۇمىستى قولعا العاندا قاز ۇ ۋ عالىمدارى وتۋگە قيىن جەرلەردى قۇلتەمىردىڭ قوزعالىسىن باسقارىپ، جوسپارلايتىن جاڭا جۇيەنى ويلاپ تابۋدى كوزدەگەن ەدى. سونىمەن قاتار روبوت گۋمانويدتىڭ تابان بولىگىمەن ەركىن اينالۋىنا باسا ءمان بەرىپ، قۇلتەمىردىڭ ەركىندىك دارەجەسى مەحانيزمىنىڭ اسەرى كەڭ كولەمدە زەرتتەلگەنىن ايتا كەتۋ كەرەك.
ماماندار روبوت گۋمانويدتىڭ قوزعالىسىن جەتىلدىرىپ، باسقارۋ جۇيەسىن قالىپتاستىرۋ كەزىندە پاسسيۆتى ديناميكا ادىستەرىن قولدانعان.
سونىمەن قاتار عالىمدار ەكولوگيالىق جاعدايلاردا روبوت گۋمانويدتىڭ ءتيىمدى قوزعالىسىن قامتاماسىز ەتەتىن الگوريتمدەردى باسقارۋدا جەرگىلىكتى رەاكتيۆتى ناۆيگاتسيا پايدالانعانىن دا ايتا كەتۋ كەرەك.
قاز ۇ ۋ عالىمدارى قول جەتكىزگەن باستى جەتىستىك - روبوت گۋمانويدتىڭ ەنەرگيانى ۇنەمدەپ، تەگىس ەمەس جەردە قوزعالۋىن قامتاماسىز ەتەتىن اياق-قولىنىڭ مەحانيزمىن دايىنداعانى.
عىلىمي-زەرتتەۋ جۇمىسى بارىسىندا روبوت دەنەسىنىڭ جوعارعى جانە تومەنگى بولىگىندەگى ەكى زۆەنولاردى قوسىپ، اۋىرلىق ورتالىعىن باقىلايتىن ارنايى شەشىم جاسالدى.
«اياقتىڭ ۇشى»، «تومەن ستارت» جاڭا قوزعالىستاردى جاساۋعا مۇمكىندىك بەرىپ وتىر. قۇلتەمىردىڭ دەنەسىندەگى بارلىق زۆەنولار مەن تىرەكتى زۆەنولاردىڭ (قول، شىنتاق، ساۋساقتاردىڭ، اياق باسى، تىزە) ورنىن سيپاتتايتىن ارنايى 242 ماتريتسا جازىلعان.
