ون ەكى جاستاعى كومپانيا باسشىسى بيزنەستى قالاي دامىتۋ تۋرالى كەڭەس بەردى

ونىڭ جاسى نەبارى 12 دە عانا. وكسفورد تۇرعىنى ءوزىنىڭ ءوز سىنىپتاستارىنان ايىرىقشا ەكەنىن بايقاعان.

بوس ۋاقىتىندا فۋتبول ويناۋدىڭ ورىنىنا ول گرافيتي سالۋدى ۇيرەنىپ، ديدجەي بولۋدى ارمان ەتكەن. قۇرداستارى اسىر سالىپ ويناپ جۇرگەندە ول پەسا جازىپ، سۋرەت سالىپ ءجۇردى. ال ءوزى قاتارلى بالالار وعان ەلىكتەي باستاعان ساتتە، دجەنككە يدەيا كەلەدى.

ول بالالار مەن جاسوسپىرىمدەردىڭ بوس ۋاقىتتا ەرەكشە ىسپەن شۇعىلدانۋىنا جول اشاتىن ينتەرنەت- پورتال اشۋدى ارماندايدى. ءۇش جىلدان سوڭ iCoolKid سايتى ومىرگە كەلدى. سايتتا بالالار مەن جاسوسپىرىمدەر ونەر، عىلىم جانە مۋزىكامەن قالاي جانە قاي جەردە اينالىسۋ كەرەكتىگىن بىلە الادى.

وسى رەتتە جاس بيزنەسمەننىڭ ءبىرقاتار ايتقان سوزدەرىن ۇسىنامىز:

1. ءبىر كوماندا بولىپ بىرگە جۇمىس ىستەڭدەر. «ەڭ باستىسى - كەرەمەت ديرەكتورلار كەڭەسىن قۇرۋ» دەيدى وز. ونىڭ ويىنشا، كەڭەستە 5-6 ادام بولۋ كەرەك.

2. ۇجىمدا ارتۇرلىلىك بولۋى ءتيىس. «كەرەمەت ديرەكتورلار كەڭەسىنىڭ» مۇشەلەرى ءارتۇرلى جەردەن شىققان جانە ولاردىڭ ومىرلىك تاجىريبەلەرى ءار قيلى بولۋى ءتيىس. ول قانشا جەردەن جاستار مىقتى بولسا دا، ديرەكتورلار كەڭەسىندە كەم دەگەندە ءبىر ەرەسەك ادام بولۋى كەرەك دەپ ەسەپتەيدى.

جاس بيزنەسمەن سونداي- اق، كوماندا مۇشەلەرىنىڭ مىنەزىنە دە نازار اۋدارۋ كەرەك دەيدى: «ولار ءبىر- ءبىرىن تىڭداپ، تىڭ پىكىر قوسا الۋى كەرەك» دەيدى. «ءبىر- بىرىمەن ءجيى قارىم- قاتىناستا بولۋ، يدەيالاردىڭ دامۋى ءۇشىن تاپتىرماس مۇمكىندىك» دەيدى ول.

iCoolKid قازىرگى كەزدە جارناما مەن ماركەتينگتەن كوپ پايدا تابا الىپ جاتىر. جانە الەۋمەتتىك جەلىلەردە دە بەلسەندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى