وتاندىق كينويندۋستريا فيلمدەرىن كورسەتەتىن العاشقى تەلەارنانىڭ تۇساۋى كەسىلدى

 ەفيرگە تەك قانا وتاندىق كينو تۋىندىلاردى شىعاراتىن «ەلارنا» كانالى بۇگىنگى تاڭدا ءوز كورەرمەنىن تاۋىپ ۇلگەردى. قازىر ارنانىڭ قورىندا 200-دەن استام فيلم بار. «قازاقفيلم» سىندى ءىرى كومپانيامەن جاسالعان كەلىسىمشارتتار دا «ەلارنانىڭ» قورجىنىندا. ەندى تەلەكانال باسشىلىعى جاڭا فورماتتاعى جوبالاردى جۇزەگە اسىرۋدى قولعا الدى.

كاميلا قامنازاروۆا، «ەلارنا» ارناسىنىڭ شەف- رەداكتورى:

- جاڭا ماۋسىمدا ءبىز «كينوونەر» دەگەن ارنايى جوبانى ىسكە قوسامىز. باعدارلامادا ءتۇسىرىلىم الاڭدارىنداعى قايناپ جاتقان جۇمىستى كورسەتەمىز. رەجيسسەرلارمەن سۇحبات جازامىز. كورەرمەن بىلە بەرمەيتىن كينو يندۋسترياداعى ءتۇرلى ماماندىقتار جايلى باياندايمىز. وتە قىزىق بولادى دەگەن سەنىمدەمىز. ەڭ الدىمەن بۇل جوبا قازاقستاندىق رەجيسسەرلار ءۇشىن توسىن سىي بولدى. سەبەبى «ەلارنا» تەك قالىڭ بۇقاراعا ارنالعان فيلمدەردى عانا ەمەس، فەستيۆالدىق، دەرەكتى جانە قىسقا مەترلى فيلمدەردى كورسەتىپ، ءار تۋىندىعا الدىن الا اڭداتپا ازىرلەۋگە دايىن.

بەيبىت بيسەكەش، پروديۋسەر:

 - «ەلارنا» -  بۇل قازاقستانداعى وتاندىق كينويندۋستريا فيلمدەرىن كورسەتەتىن العاشقى تەلەكانال. سوندىقتان ءبىز «ەلارناعا» تاپسىردىق. كينوماتوگرافيستەردىڭ 90 مينۋت تولعاتىپ شىعارعان كينومىزدىڭ ويىن- ءتۇيىنىن 90 سەكۋندتىق انونستا بەرىپ جاتىرسىزدار. وسى وتە كەرەمەت نارسە. «ەۋرازيا» كينوفەستيۆالى بارىسىندا رەجيسسەرلار ارنا جۇمىسىنا ۇلكەن قىزىعۋشىلىق ءبىلدىردى. انيماتسيالىق فيلمدەردى دە كورسەتۋ جايلى ۇسىنىستار ءتۇستى. «ەلارنا» باسشىلىعى مۇنداي باستامانى تولىق قولدايتىنىن جەتكىزدى.

www.khabar.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى