وڭتۇستىك قازاقستاندا كيەلى جەرلەر تاريحىن جاڭعىرتقان بايقاۋ ءوتتى

سايىسقا وبلىس اۋماعىنداعى 25 مۇراجاي وكىلدەرى قاتىسىپ، باق سىنادى، دەپ حابارلايدى قازاقپارات ح ا ا ءتىلشىسى. بايقاۋدىڭ ماقساتى-ەلدەگى اڭىز-اڭگىمەلەرگە سۇيەنە وتىرىپ، كوپشىلىك بىلە بەرمەيتىن قاسيەتتى، كيەلى ورىنداردى ناسيحاتتاۋ بولدى.

ماسەلەن، ولكەتانۋشىلاردىڭ دەرەگىنشە، وبلىس اۋماعىندا 100 گە تارتا كيەلى-تاريحي تانىمدىق جەر بار. الايدا، ولاردىڭ كوپشىلىگى حالىققا بەيمالىم. ونىڭ ۇستىنە وڭتۇستىك جەرى ەرتەدەگى ساق، عۇن، قاڭلى تايپالارى قونىستانعان كيەلى مەكەن سانالادى.

ونى وسكەلەڭ ۇرپاق ءبىلىپ، ءوسۋى ءتيىس. وسىنى ەسكەرگەن ۇيىمداستىرۋشىلار بايقاۋ قاتىسۋشىلارىنا وسىنداي جەرلەردى انىقتاپ، حالىق ساناسىنا ءسىڭىرۋ جولدارى بويىنشا بىرنەشە تالاپتار قويدى. جالپى، بايقاۋعا مۇراجايلاردان باس- اياعى 40 قا جۋىق تۋىندى جولداندى. سونداي- اق سايىس شارتى بويىنشا مۋزەي قىزمەتكەرلەرى 3-5 مينۋتتىق بەينەروليك ءتۇسىرۋى قاجەت بولدى. قازىلار شەشىمىمەن ۇزدىك تۋىندىلار ىرىكتەلىپ، جەڭىمپازدار ماراپاتتالدى.

ال، قاتىسۋشىلار تاراپىنان تۇسىرىلگەن بەينەروليكتەر ەندى استانادا كوپشىلىك نازارىنا ۇسىنىلادى. سالا ماماندارىنىڭ سوزىنشە، بۇل شارا وڭىرگە كەلەتىن تۋريستەر سانىنىڭ ارتۋىنا دا سەپ بولماق.

اۆتور: اينۇر اقبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى