شەتەلدىك ازاماتتى ويىنشىق تاپانشامەن قورقىتقان اتىراۋلىق جىگىتتەر داۋعا قالدى
باقىلاۋ كامەرالارىنا ءتۇسىپ قالعان كادرلار عالامتورعا تارالىپ، مىڭداعان اتىراۋلىقتار بەت-اۋزى قىزىل الا قان بولىپ، ەدەندە جاتقان ەر ادامدى تەپكىنىڭ استىنا العان جانە تاپانشا كەزەنىپ تۇرعان ەكى جىگىتتى كورگەن ەدى.
كەيىنىرەك سوققىعا جىعىلعان ەر ادامنىڭ - 1965-جىلى تۋعان پاكىستان ازاماتى مۋحامماد مۋسا ابدۋل ۋاحاب ەكەنى بەلگىلى بولدى. 2017-جىلدىڭ 25- ناۋرىزىنا قاراعان سول ءتۇنى ول وبلىستىق ءى ءى د- گە شاعىمدانعان.
كۇدىكتىلەرگە ىزدەۋ جاريالانعان سوڭ كوپ كەشىكپەي تابىلعان ولار سوت سانكسياسىمەن 2 اي مەرزىمگە تەرگەۋ اباقتىسىنا قامالدى.
سوت-مەديتسينا ساراپتاماسىنىڭ ناتيجەسىندە زارداپ شەگۋشىگە تيگىزىلگەن اۋىرلىق دارەجەسى «جەڭىل» دەپ تانىلىپ، ءىس 5 جىلعا دەيىن باس بوستاندىعىنان ايىرۋ جازاسىن قاراستىراتىن جانە تاراپتاردىڭ ىمىرالاسۋىنا رۇقسات ەتىلەتىن 3-تارماقتان 2-تارماققا وزگەرتىلدى.
ءبىزدىڭ بەيرەسمي مالىمەتتەرىمىز بويىنشا، زارداپ شەگۋشى قوماقتى سوما تالاپ ەتىپ، ناتيجەسىندە ەكەۋى وعان 30 مىڭ ا ق ش دوللارىن تولەپ، بوستاندىق العان.
بەينەجازباداعى قانداي ماركاداعى تاپانشا ەكەنىن پوليتسەيلەر حابارلامادى. ەسەسىنە بۇزاقىلاردىڭ ادۆوكاتى دينارا ساتايبايەۆا ونىڭ ويىنشىق ەكەنىن ايتىپ قالدى.
«بەينەجازباداعى پنيەۆماتيكالىق قارۋعا ۇقسايتىن نارسە ويىنشىق بولىپ شىقتى. انىقتاما بويىنشا اتىلۋى مۇمكىن ەمەس، ءىس جۇزىندە دە اتىلمادى، سوندىقتان ىستە «قارۋ قولدانۋ» دەگەن بەلگى قولدانىلمادى»، - دەيدى قورعاۋشى.
