قاراعۇسوۆا ەلىمىزدە كۇنكورىس دەڭگەيىنىڭ نە ءۇشىن تومەن ەكەنىن ءتۇسىندىردى
الماتى قالاسى بوستاندىق اۋدانى تۇرعىندارىمەن كەزدەسۋدە دەپۋتات دايىندالعان ەمەس، وتكىر سۇراقتاردى باتىل قويۋدى ءوتىندى. سۇراق قويۋشىلاردىڭ ءبىرى ەلىمىزدە كۇنكورىس دەڭگەيى نەگە تومەن ەكەنىن سۇرادى.
«بارلىق ەلدە كۇنكورىس دەڭگەيى تومەن. ىڭعايسىز بولسا دا، بۇل كورسەتكىش ادامنىڭ فيزيولوگيالىق جۇيە رەتىندە فۋنكسياسىن اتقارۋىنا عانا بەلگىلەنگەن سوما. ءتۇسىنىڭىز، قازاقستاندا بۇل باعا مەملەكەت كۇنكورىس دەڭگەيىن كوتەرگىسى كەلمەگەندىكتەن وسىلاي بەلگىلەنىپ وتىرعان جوق. ءبىز ونى كوتەرە الامىز. ءبىز جوعارى زەينەتاقى، جالاقى جاساي الامىز. ءبىراق، ەڭبەكتەنىپ اقشانى تابۋ كەرەك؟ قايدان الامىز؟ بىلەسىز بە، ءبىر كوپتەن بەرى پايدالانىلماي جاتقان زاڭ بار. وندا ەڭبەك ونىمدىلىگى كورسەتكىشى جالاقى ءوسىمى كورسەتكىشىنەن جوعارى بولۋى كەرەك ەكەنى جازىلعان. بىزدە كەرىسىنشە، ءبىز از وندىرەمىز، از تابامىز، ءبىراق كوپ جۇمسايمىز. ال بارلىعىن جەپ تاۋىسامىز، سوسىن شە؟ مىنە، سوندىقتان، كۇنكورىس دەڭگەيى اقىرىنداپ اۋىسادى. دامىعان ەلدەر وتە جاقسى جاساعان. ولار كۇنكورىس دەڭگەيىمەن ەشتەڭەنى بايلانىستىرمايدى. ءبىز بولساق، بارلىعىن كۇنكورىس دەڭگەيى كورسەتكىشىمەن ولشەيمىز. كەز كەلگەن وزگەرىس بولسا بولدى، تومەنگى جالاقى، بارلىق تولەمدەر، زەينەتاقى مەن الەۋمەتتىك تولەمدەردە وزگەرىس بولادى. ايتا كەتەيىن، بيىل كۇنكورىس كورسەتكىشى ايتارلىقتاي وزگەردى، وعان ميللياردتاعان قارجى كەتەدى. بۇل تەك، ازىق- تۇلىك جانە ازىق- تۇلىك ەمەس كارتالارىنىڭ ءوزارا ولشەمىن انىقتاۋدا عانا بولعان جاعداي»، - دەدى گ. قاراعۇسوۆا.
اۆتور: الماس مۇقاش ۇلى
