الماتى زووباعىندا كەمتار جىرتقىشتىڭ تاعدىرى تۋرالى ايتتى
ءبىر اياعى مەن قۇيرىعى جوق جانۋار كەلۋشىلەردىڭ اراسىندا دا الەۋمەتتىك جەلىدە دە ءبىراز شۋ تۋعىزدى. ادامدار زووباق باسشىلىعىنىڭ ارەكەتىن قاتتى سىنعا الدى. ەرجان ەركىمبايەۆ بۇگىن ينستاگرامداعى پاراقشاسىندا ديانانىڭ ءومىرى تۋرالى ايتىپ بەردى.
«2007 -جىلى كۇشىك كەزىندە ونى ەرەسەك ياگۋار تالاپ، قۇيرىعى مەن اياعىن شايناپ تاستاعان. سول ۋاقىتتان بەرى قوعامنىڭ تالقىسىنان جاسىرىن ۇستاعان. نەگىزى ەرەجە بويىنشا ديانا سياقتى (كەمتار- اۆت) زووباق جانۋارى ەكپەمەن ءولتىرىلۋى ءتيىس. ءبىراق مەن ءالى وعان دايىن ەمەسپىن»، - دەدى مەكەمە ديرەكتورى.
ونىڭ ايتۋىنشا، زووباقتا تاعدىرى تالايلى جانۋار وتە كوپ.
«بىزدە ونداي جانۋار وتە كوپ. ديانا 10 جىل بويى قىسى جازى تار توردىڭ ىشىندە تار قاپاستا ءومىر ءسۇرىپ كەلگەن. ءبىز اۋا جۇتسىن كۇن شۋاقتاسىن دەپ شىعاردىق»، - دەدى ول. ديرەكتور باسقا دا كەمتار جانۋارلاردى ەل كوزىنەن جاسىرمايتىنىن ءارى ولاردى ولتىرمەيتىنىن ايتتى.
اۆتور: گۇلميرا عوسمان-ءالي
