قىتايدا قازاقستاندىق ەكيپاجدىڭ «جىبەك جولى» رالليىندە مەرەيى ۇستەم بولدى - فوتو، كەسكىن
22 -شىلدەدە ەجەلگى قالا - شياننىڭ باستى الاڭىندا جۇرتشىلىق ماڭعىستاۋ وبلىسىنىڭ «Aktau Motosport» راللي- كومانداسىنىڭ ەكيپاجىن قىزۋ قول شاپالاقتاپ قارسى الدى. ولار ءبىرىنشى رەت ترانسقۇرلىقارالىق اۆتوموبيل مارافونىنا قاتىسىپ، T2 ساناتىنداعى (جولسىزبەن جۇرەتىن كولىكتەر) جارىستا جەڭىمپاز اتاندى.
اۆتوشاباندوزدار كيريلل چەرنەنكوۆ پەن الەكسەي مۋن ماسكەۋ مەن شيان ارالىعىنداعى 10 مىڭ شاقىرىمدى ءبىرىنشى بولىپ باعىندىردى.
«وتە كۇردەلى بولدى. ءبىز الدىمىزعا ءبىر عانا ماقسات قويدىق. ول - شيانداعى مارە سىزىعىن قيۋ. ءبىزدى قولداعان بارشا جانعا راحمەت ايتقىمىز كەلەدى»، - دەيدى كيريلل چەرنەنكوۆ.
باسەكەنى "Astana Motosport" كومانداسىنىڭ وكىلدەرى دە تابىستى اياقتادى. جۇك كولىكتەرى ساناتىندا ەلوردالىق كوماندا مارە سىزىعىن ءتورتىنشى بولىپ قيدى.
