بۇگىن وڭتۇستىكتە - اپتاپ ىستىق، سولتۇستىك وڭىردە بۇرشاق جاۋىپ، داۋىل تۇرۋى ىقتيمال

رەسپۋبليكانىڭ سولتۇستىگىندە تۇندە جانە تاڭەرتەڭ تۇمان تۇسەدى، دەپ حابارلايدى قازگيدرومەت.

رەسپۋبليكانىڭ باتىسىندا، وڭتۇستىك- باتىسىندا، وڭتۇستىگىندە جانە وڭتۇستىك- شىعىسىندا جاۋىن- شاشىنسىز اۋا رايى ساقتالادى. اقمولا، اتىراۋ، قوستاناي، اقتوبە، شىعىس قازاقستان وبلىستارىنىڭ كەي جەرلەرىندە جەل 15-20 م/س دەيىن كۇشەيەدى، نايزاعاي جارقىلداپ، بۇرشاق ءتۇسۋى، داۋىل تۇرۋى ىقتيمال.

جامبىل، وڭتۇستىك قازاقستان، كۇندىز قىزىلوردا وبلىستارىنىڭ كەي جەرلەرىندە جەل 15-20 م/س دەيىن كۇشەيەدى. سولتۇستىك قازاقستان وبلىسىنىڭ كەي جەرىندە نايزاعاي بولادى، كۇندىز بۇرشاق، داۋىل بولۋى مۇمكىن، تۇندە جانە تاڭەرتەڭ تۇمان كۇتىلەدى. پاۆلودار وبلىسىنىڭ كەي جەرىندە جەل 15-20 م/س دەيىن كۇشەيەدى، بۇرشاق، داۋىل بولۋى مۇمكىن، تۇندە تۇمان ءتۇسۋى ىقتيمال.

كۇندىز قاراعاندى وبلىسىنىڭ كەي جەرىندە جەل 15-20 م/س دەيىن كۇشەيەدى، بۇرشاق، داۋىل تۇرۋى مۇمكىن. كۇندىز الماتى، وڭتۇستىك قازاقستان،  قىزىلوردا، ماڭعىستاۋ، اتىراۋ، اقتوبە، جامبىل، باتىس قازاقستان، قاراعاندى وبلىستارىندا اپتاپ ىستىق بولادى.

وڭتۇستىك قازاقستان،  قىزىلوردا، اتىراۋ، باتىس قازاقستاننىڭ كەي جەرلەرىندە، اقتوبە، قوستاناي، قاراعاندى، جامبىل، الماتى وبلىستارىندا وتە جوعارى ءورت قاۋپى ساقتالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى