ا ق ش ءوز ازاماتتارىنىڭ سولتۇستىك كورەياعا بارۋىنا تىيىم سالماق
بۇل تۋرالى تۋريستىك اگەنتتىكتەرگە سىلتەمە جاساعان BBC تەلەارناسى حابارلادى.
بۇل اقپاراتتى Young Pionner تۋريستىك اگەنتتىگى دە راستاعان. سولتۇستىك كورەيا تۇرمەسىنەن شىققان سوڭ قايتىس بولعان ستۋدەنت وتتو ۋورمبير وسى تۋراگەنتتىكتىڭ قىزمەتىن پايدالانعان.
ۆيردجينيا ۋنيۆەرسيتەتىنىڭ 22 جاستاعى ستۋدەنتى وتتو ۋورمبەرگە 2016-جىلى ناۋرىزدا 15 جىل ءماجبۇرلى ەڭبەككە جەگىلۋ جازاسى كەسىلگەن ەدى. ول سولتۇستىك كورەيادا بولعانىندا قوناق ۇيدە قابىرعادا ءىلىنىپ تۇرعان ساياسي پلاكاتتى جىرتىپ تاستاعانى ءۇشىن قامالعان. ۋورمبيەردىڭ سوتى ءبىر-اق ساعات بولعان. سودان بەرى ونى كوپشىلىك الدىنا شىعارماعان.
كەيىن ول سولتۇستىك كورەيادا كوماعا تۇسكەن سوڭ ا ق ش- قا قايتارىلعان ەدى. ۋورمبەردىڭ نە سەبەپتى كوماعا تۇسكەنى ازىرگە بەلگىسىز. امەريكالىق دارىگەرلەر سولتۇستىك كورەيا بيلىگىنىڭ ۋورمبەر بوتۋليزممەن اۋىرىپ كوماعا ءتۇستى دەگەن رەسمي تۇجىرىمىن جوققا شىعارادى.
ورتا ەسەپپەن جىل سايىن سولتۇستىك كورەياعا مىڭعا جۋىق امەريكالىق تۋريست بارادى.
