تۇركيادا قازاقستاندىق تۋريستەر جەر سىلكىنىسى ءالى دە جالعاسىپ جاتقانىن حابارلادى

«جەر سىلكىنىسى باسىلار ەمەس. ءار 30 مينۋت سايىن 4-5 بال. ادامدار دۇرلىگىپ كەتتى. ۇشاتىن رەيستەر جوق. ەرتەڭ بارلىق قازاقستاندىقتار تۋر وپەراتورعا بارامىز. دەمالۋشىلاردىڭ بارلىعى توسەكتى تاپشانعا سالۋدا. كەي قوناق ۇيلەردە عيماراتقا كىرمەۋدى ۇسىنۋدا. ەكىنشى كۇن بولدى، وتە قيىن جاعدايدامىز. مۇمكىن قازاقستان ءوزىنىڭ ازاماتتارى ءۇشىن ۇشاق جىبەرەر؟»، - دەپ جازدى بودرۋمنان فەيسبۋكتەگى پاراقشاسىنا زارينا ابدەنوۆا.

ق ر س ءى م  باسپا ءسوز قىزمەتىندە قازاقپارات تىلشىسىنە ديپلوماتتار قازاقستاندىق تۋريستەرمەن بىرگە ەكەنىن حابارلادى.

«ءيا، ءدۇمپۋدىڭ قايتالاعانىن بىلەمىز. ديپلوماتتار كومەك سۇراپ جۇگىنگەن قازاقستاندىق ازاماتتارمەن بايلانىستا. بۇل ۋاقىتقا دەيىن قازاقستاندىقتار اراسىندا زارداپ شەككەندەر تۋرالى مالىمەت جوق»، - دەدى تەلەفون بويىنشا س ءى م باسپا ءسوز قىزمەتىنىڭ باسشىسى ءانۋار جايناقوۆ.

سونىمەن قاتار، تۇرىك تاراپىنىڭ حابارلاماسى بويىنشا جاڭا دۇمپۋلەر كۇتىلمەيدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى