ۇشقىش ماس بولعاندىقتان «ەير استانا» رەيسى امستەردامنان كەلمەيتىن بولدى
سوعان بايلانىستى امستەردامنان شىعۋى ءتيىس رەيس بەلگىسىز ۋاقىتى شەگەرىلدى. اۋە كومپانياسىنىڭ باسپا ءسوز قىزمەتى تاراتقان اقپاراتقا سايكەس، 20- شىلدەدە ەكىنشى پيلوتتىڭ قانىنان ىشىمدىك تابىلىپ، تەستتەن وتپەي قالدى.
«قازىر ىشكى تەرگەۋ جۇمىستارى ءجۇرىپ جاتىر. ءبىز مۇنداي ارەكەتكە رۇقسات بەرمەيمىز ءارى زەرتتەۋ ناتيجەلەرىنىڭ قورىتىندىسى شىققان سوڭ، قىزمەتكەرگە قاتىستى شارا قولدانامىز. تۋىنداعان قولايسىزدىقتار ءۇشىن كەشىرىم وتىنەمىز»، - دەدى اۋە كومپانياسىنىڭ كورپوراتيۆتى كوممۋنيكاتسيالار دەپارتامەنتىنەن.
