مەديتسينالىق الەۋمەتتىك ساقتاندىرۋ جۇيەسى قارجىلىق تۇراقتىلىقتى قامتاماسىز ەتۋگە باعىتتالعان - ءبىرتانوۆ

  «بولاشاقتا ءبىز دەموگرافيالىق وزگەرىستەردىڭ بولاتىندىعىنا نىق سەنىمىمىز بار. بىزدە حالىق قارتايىپ، بالالاردىڭ قاتارى ارتىپ كەلەدى. اۋرۋلاردىڭ سيپاتى دا وزگەرۋدە. ياعني، ءبىرىنشى كەزەككە سوزىلمالى اۋرۋلار شىعىپ كەلەدى. بۇل قان تامىرى قىسىمىن تومەندەتۋ ءۇشىن جاڭا دارىلەردى، قانداعى قانتتى باقىلاۋدىڭ جاڭا تەحنولوگيالارىن، ونكولوگيالىق اۋرۋلاردى ەمدەۋدىڭ جاڭا تەحنولوگيالارىن قاجەت ەتەدى. ءبىز ولاردى دامىعان ەلدەردەن كورىپ وتىرمىز. وسىعان بايلانىستى ءبىز مول قارجىنى قايدان الۋىمىز قاجەتتىگىن ويلاۋىمىز كەرەك. وسى ورايدا مەديتسينالىق الەۋمەتتىك ساقتاندىرۋ جۇيەسى ەڭ ءبىرىنشى كەزەكتە قارجىلىق تۇراقتىلىقتى قامتاماسىز ەتۋگە باعىتتالعاندىعى شىندىق. ال ونىڭ دامۋى ءۇشىن بىزگە مول قارجى جيناۋ كەرەك، دەنساۋلىق ساقتاۋعا ۇلكەن قاراجات قاجەت»، - دەدى مينيستر.

 ونىڭ ايتۋىنشا، قازاقستاندا جالپى ىشكى ءونىمنىڭ 1,9 پايىزى دەنساۋلىق ساقتاۋ سالاسىنا جۇمسالادى. ال ەكونوميكالىق ىنتىماقتاستىق جانە دامۋ ۇيىمىنا مۇشە ەلدەردەگى بۇل كورسەتكىش 9 پايىزعا تەڭ. ەلىمىزدىڭ مەملەكەتتىك بيۋدجەتىنەن جىل سايىن دامىعان ەلدەردەگىدەي 12-13 پايىز قارجى دەنساۋلىق ساقتاۋ سالاسىنا جۇمسالىپ كەلەدى. ەگەر مۇنان دا مول قارجىنى دەنساۋلىق ساقتاۋ سالاسىنا جۇمسار بولساق، وندا ءبىلىم بەرۋ، قۇقىق قورعاۋ جانە قورعانىس سالالارىنىڭ شىعىستارىن قىسقارتۋعا تۋرا كەلەدى. ال ءمينيستردىڭ ۋاجىنە قارسىلىق تانىتقان «تالاپ» قولدانبالى زەرتتەۋلەر ورتالىعىنىڭ ديرەكتورى راحىم وشاقبايەۆ ءتۇرلى دالەلدەر ارقىلى مىندەتتى مەديتسينالىق ساقتاندىرۋدىڭ سالىقتىڭ جاڭا تۇرلەرىنىڭ پايدا بولۋىنا جول اشاتىندىعىن اشىق ايتتى.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى