بايبەك الماتىدا سالىنىپ جاتقان بيۋدجەتتىك ۇيلەردىڭ ساپاسىن سىنعا الدى

10 مىڭ الماتىلىق وتباسى 2017-2024 -جىلدارى ەسكى ۇيلەردى ءسۇرۋ باعدارلاماسى بويىنشا وزدەرىنىڭ تۇرعىن ءۇي جاعدايلارىن جاقسارتاتىن بولادى قالا باسشىسىنا وسى باعدارلاما ىسكە اسقاندا 10 مىڭ الماتىلىق وتباسىنىڭ تۇرعىن ءۇيىن جاقسارتاتىنى ايتىلدى.

قولجەتىمدى باعا بويىنشا قوسىمشا 30 مىڭنان استام پاتەر سالىنادى، قالا تۇرعىندارى جاڭا الەۋمەتتىك نىساندارمەن، مەكتەپتەرمەن، بالا باقشالارمەن، ەمحانالارمەن، جاڭارتىلعان ينجەنەرلىك كوممۋنيكاتسيالارمەن، اباتتاندىرىعان اۋماقتارمەن جانە باسقالارىمەن قامتاماسىز ەتىلەدى. ول ءۇشىن تاياۋداعى جەتى جىل ىشىندە قالا ەكونوميكاسىنا جالپى كولەمى 400 ميلليارد تەڭگە جەكە ينۆەستيتسيا تارتىلىپ، 70 مىڭنان استام جۇمىس ورنى قۇرىلادى.
«ءبىزدىڭ باستى ماقساتىمىز - تۇرعىن ۇيلەردى جاڭارتىپ قانا قويماي، ونىڭ باعاسىن تومەندەتۋ، جاڭا جۇمىس ورىندارىن اشىپ، ينۆەستيتسيا تارتۋ. مەملەكەت باسشىسى تەك "نۇرلى جەر" باعدارلاماسى بويىنشا عانا ەمەس، سونىمەن قاتار بيۋدجەتتەن تىس قارجى ەسەبىنەن دە قۇرىلىس سالۋدى تاپسىردى. ءبىزدىڭ قالادا بۇل ءۇشىن بارلىق جاعدايلار بار، وسى باعىتتاعى جۇمىستاردى ودان ءارى جالعاستىراتىن بولامىز»، - دەدى باۋىرجان بايبەك.

ول جاڭا ۇيلەردىڭ جوبالارىن جاساعاندا جانە قۇرىلىستى جۇرگىزگەندە كوممۋنيكاتسيا مەن جەلىلەرگە تۇسەتىن اۋىرتپالىقتى قاتاڭ ەسكەرۋ قاجەتتىگىن ايتتى جانە وكىلەتتى ورگانداردىڭ نازارىن جاڭا قۇرىلىستار اۋلالارىن ءتيىستى ينفراقۇرىلىممەن قامتاماسىز ەتۋگە اۋداردى.

 Tengrinews.kz 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى