ون مينۋتقا شىعىپ كەتكەن قاراعاندىلىق ازامات ىزدەستىرىلۋدە

«6 -شىلدە كۇنى ريشاتقا الدەبىرەۋلەر قوڭىراۋ شالىپ، ول ۆوستوك-1 شاعىن اۋدانىنداعى ۇيىنەن 10 مينۋتتان سوڭ قايتىپ ورالاتىنىن ايتىپ شىعىپ كەتكەن. سودان بەرى ءىز- ءتۇسسىز جوق»، - دەيدى ريشات مۇحامەدياروۆتىڭ تۋىسى گۋزال ىسقاقوۆا.

گۋزالعا اتالعان ىزدەۋ ءىسىن جۇرگىزىپ جاتقان تەرگەۋشى ىزدەۋ جۇمىستارىنىڭ بارىسى جايلى الاڭداپ وتىرعان تۋىسقاندارىنا حابارلاۋدىڭ قاجەتى جوق ەكەندىگىن ايتقان. «تەرگەۋشىگە قايتا- قايتا قوڭىراۋ شالىپ وتىرمىز، ول ءتىپتى جاۋاپ بەرمەيدى، قايتىپ حابارلاسپايدى دا. ەكى اپتا بولدى ەسەڭگىرەپ وتىرمىز»، - دەيدى جوعالعان ازاماتتىڭ تۋىسى.

پوليتسيا قىزمەتكەرلەرى ريشات مۇحامەدياروۆتى ىزدەۋ جۇمىستارىن جاڭا- مايقۇدىق پوليتسيا بولىمشەسى جۇرگىزىپ جاتقاندىعىن ايتتى. «جوعالعان ازامات جايلى قانداي دا ءبىر اقپارات بىلەتىندەردىڭ 87212243390، 407919 نەمەسە 102 تەلەفوندارىنا حابارلاسۋىن سۇرايمىز»، - دەپ حابارلايدى قاراعاندى وبلىسى ىشكى ىستەر دەپارتامەنتىنىڭ باسپا ءسوز قىزمەتى.

جوعالعان ازاماتتىڭ بەلگىلەرى: بويى - 180 سانتيمەتر، ارىق، شاشتارى كۇڭگىرت سارى ءتۇستى. اق فۋتبولكا، كوك شولاق شالبار، كوك اياق كيىم كيگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى