شىمكەنتتىك ازامات لاتىن الىپبيىنە ءوتۋدىڭ وڭاي جولىن ويلاپ تاپتى

شىمكەنتتىك ونەرتاپقىش قۋانىش رىسقۇلوۆ لاتىن قارىپىنە كوشۋ كەزىندە كەزدەسەتىن قيىندىقتى جەڭەتىن ءادىسىن ۇسىنىپ، 1 ميلليون تەڭگەنى قانجىعاسىنا بايلادى، دەپ حابارلايدى وبلىس اكىمىنىڭ باسپا ءسوز قىزمەتى.

ەستەرىڭىزگە سالا كەتەيىك، ءى ت ماماندارى اراسىندا وتكەن كونكۋرس وبلىس اكىمدىگىنىڭ ۇيىمداستىرۋىمەن وسىدان ءبىر اي بۇرىن جاريالانعان بولاتىن. «حاكاتون» مارافونى ەلباسى ساياساتىن قولداۋ ماقساتىندا قولعا الىنعان جوبا.

شاراعا ستۋدەنتتەر، وقۋشىلار، جاس ونەرتاپقىشتارمەن ءتۇرلى دەڭگەيلى ءى ت مامانداردان قۇرالعان 50 ادام قاتىسقان. ولاردىڭ ىشىنەن 8 ءى ت ماماننىڭ جوباسى ۇزدىك دەپ تانىلعان.

قۋانىش تۇرسىنقۇل ۇلىنىڭ اقپاراتتىق تەحنولوگيالار سالاسىندا 8 جىلدان بەرى ەڭبەك ەتىپ كەلەدى.

ول بۇعان دەيىن بىرنەشە كومپيۋتەرلىك باعدارلامالار ازىرلەپ، الماتى، استانا قالالارىنداعى وتكەن رەسپۋبليكالىق دودالاردا توپ جارعان. بايقاۋ قازىلارى قۋانىشتىڭ جوباسىن دەر كەزىندە ازىرلەگەن قاجەتتى باعدارلاما دەپ تانىپتى.

الداعى ۋاقىتتا كريليتسيانى لاتىن قارىپىنە لەزدە اۋىستىراتىن باعدارلاماعا قارجى ءبولىپ، كەڭ كولەمدە قولدانىسقا ەنگىزۋ جوسپارلانىپ جاتىر. ۇيىمداستىرۋشىلار مۇنداي جوبانىڭ الداعى ۋاقىتتا جالعاسىن تاباتىنىن ايتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى