قازاقستاندا اۋە كولىگىمەن قاتىناۋدى قالايتىندار جارتى ميلليون ادامعا ارتتى

2017-جىلعى جارتى جىلدىقتا بارلىعى 3,2 ميلليون ادام اۋە كومپانيالاردىڭ قىزمەتتەرىن پايدالاندى. «نۇرسۇلتان نازاربايەۆ» حالىقارالىق اۋەجايىنىڭ اقپاراتى بويىنشا، وتكەن جىلدىڭ ءبىرىنشى جارتى جىلدىعىمەن سالىستىرعاندا حالىقارالىق باعىتتار بويىنشا جولاۋشىلار اعىنىنىڭ ءوسىمى %46 دى (2016-جىلى - 113514 جولاۋشى، 2017-جىلى - 165435 جولاۋشى) جانە ىشكى رەيستەردە %24 دى (2016-جىلى - 190979 جولاۋشى، 2017-جىلى - 237309 جولاۋشى) قۇرادى. 2016-جىلى اۋەجاي 3,5 ميلليون جولاۋشىعا قىزمەت كورسەتتى، اعىمداعى جىلدىڭ جارتى جىلىندا بۇل كورسەتكىش 1,8 ميلليون ادامدى قۇرادى. جىل باسىنان بەرى شەتەلدىك جانە قازاقستاندىق اۋە كومپانيالار 9 جاڭا حالىقارالىق باعىتتى اشتى: استانا - حەلسينكي، استانا - ۆارشاۆا، استانا - بۋداپەشت، استانا - بەيجىڭ، استانا - كيەۆ، استانا - باتۋمي، استانا - نيۋ-دەلي، استانا - ەرەۆان، استانا - مينەرالنىە ۆودى رەيستەرى اشىلدى. قازاقستانعا پولشالىق LOT، ۆەنگريالىق لوۋكوستەر Wizz Air، فيندىق Finnair، قىتايلىق Air China سياقتى جاڭا اۋە تاسىمالداۋشىلار كەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى