ەكى اياعىنان ايىرىلعان قىز: اياعىما نىق تۇرۋعا مىندەتتىمىن

كەلىنشەك تۇسىندە تاۋ ۇستىندە كەلە جاتقانىن كورگەن ەكەن. «بۇگىن وتە كەرەمەت ءتۇس كوردىم. تاۋعا شىعىپ بارادى ەكەنمىن. اقىرىن قادام باسىپ كەلەمىن. بارىنەن وزىپ كەلەدى ەكەنمىن. تاۋعا شىققاندا قانداي كەرەمەت سەزىمدە بولعانىم ەسىمە ءتۇسىپ كەتتى. زاڭعار تاۋلاردىڭ كەرەمەت كورىنىسىن كورمەي ءومىر ءسۇرۋ مۇمكىن ەمەس سياقتى... سوسىن بۇل جاعداي سەنىڭ ءومىرىڭنىڭ اجىراماس ءبىر بولىگى ەكەنىن تۇسىنەسىڭ. بۇگىن جاقسى كوڭىل كۇيمەن وياندىم. ءوز ىشىمنەن اياعىما نىق تۇرۋعا مىندەتتى ەكەندىگىمدى تاعى دا ۇعىندىم»، - دەدى ول.

قازىر كاتيا بەلگىلى ەرىكتى، جاتتىقتىرۋشى كيرا ۋدارسەۆانىڭ كومەگىمەن وڭالتۋ شارالارىنان ءوتىپ جاتىر. ارنايى جاتتىعۋلاردىڭ كومەگىمەن ول پروتەز كيۋگە دايىندالماق.

ەسكە سالا كەتەيىك، جول اپاتى 16 -ماۋسىمدا الماتى قالاسىنداعى ءال-فارابي داڭعىلىندا بولعان. Honda CRV كولىگىن تىزگىندەگەن قىزدار اشىق ليۋككە كىرىپ كەتىپ، كولىك دوڭگەلەگىن جارىپ العان. سودان جول شەتىنە توقتاپ، سىرتقا شىعىپ، كولىكتەرىن قاراپ جاتقان كەزدە ورتاڭعى جولاقتا كەلە جاتقان Toyota Camry كولىگىن اۆتوبۋس سوققان. سوققىدان Toyota Camry كولىگىنىڭ ارتقى بولىگى ۇشىپ كەلىپ Honda CRV كولىگىن سوعادى. سالدارىنان قىزدار ورتادا قىسىلىپ قالىپ، بىرەۋى ەكى اياعىنان ايىرىلعان بولاتىن. ال ەكىنشى قىز №7 -قالالىق اۋرۋحانانانىڭ نەۆرولوگيا بولىمىنە جاتقىزىلدى.

اۆتور: گۇلميرا عوسمان-ءالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى