ءبىر- بىرىمەن قىرقىسىپ قالعان اقتوبەلىك پوليتسەيلەر اۋىل تۇرعىندارىن شوشىتتى
باسىلىمنىڭ جازۋىنشا، پوليتسەيلەر اۋىلدىڭ ورتاسىندا قىرقىسىپ كەيىن ولار ەلدى مەكەننىڭ شەت جاعىنا كەتكەن.
«ەرەسەكتەر بالالارعا «ۇيلەرىڭە قايتىڭدار، دالاعا شىقپاڭدار» دەپ ەسكەرتۋ جاسادى. ايدىڭ-كۇننىڭ امانىندا، بەيبىت زاماندا پوليتسيا فورماسىن كيگەن ازاماتتاردىڭ ءوزارا جانجالداسقانى نە سۇمدىق؟! العاشىندا تەرىس اعىمنىڭ وكىلدەرىمەن كەلىسپەي جاتقان شىعار دەپ ۇرەيلەندىك. سويتسەك، حالىق سەنىپ جۇرگەن ءتارتىپ ساقشىلارى ءوزارا توبەلەسىپ ءجۇر ەكەن»، - دەيدى كەڭقياق اۋىلىنىڭ تۇرعىندارى.
«اراعا ءبىر كۇن سالىپ، اۋىلدا اتىستىڭ بولماعانىن ايتقان ءى ءى د وكىلى ءتارتىپ ساقشىلارى اراسىنداعى جانجالدى جوققا شىعارۋعا تىرىستى»، - دەپ جازادى باسىلىم.
«ارنايى توپ كەڭقياق اۋىلىنا بارىپ، تەكسەرۋ جۇمىستارىن قولعا الىپ جاتىر. قورىتىندىسىن قوسىمشا حابارلايمىز»، - دەيدى ءى ءى د وكىلى.
ايتا كەتەيىك، بۇگىندە كەڭقياق تۇرعىندارى تاپا-تال تۇستە اتىلعان وقتىڭ داۋىسى شىققانىن حابارلاپ وتىر. اراسىندا ءبىر پوليتسەيدىڭ جاراقات العانى جايلى دا ايتىلادى. اۋرۋحاناعا تىركەلگەن ەشكىم جوق. حالىق ۇرەيلەنىپ وتىر.
ەستەرىڭىزگە سالا كەتەيىك، التى جىل بۇرىن اتالعان اۋدانداعى تەراكتىلەردەن كەيىن پوليتسيا قىزمەتكەرلەرى سانى ەكى ەسەگە كوبەيتىلگەن بولاتىن.
