اراب ايەلدەرى ەلدەگى تىيىممەن كۇرەسۋ ءۇشىن قىسقا كويلەك كيە باستادى - فوتو
بۇل ۆيدەونى ينتەرنەتكە جۇكتەسە، بىرەر ساعاتتىڭ ىشىندە-اق ەلدىڭ سوزىنە قالۋى عاجاپ ەمەس.
حۋلۋد، ساۋد ارابيالىق مودەل
وسى اپتادا ايگىلى اراب مودەلى حۋلۋد قىسقا بەلدەمشە مەن قىسقا كەۋدەشە كيىپ شىققان ۆيدەوسى ەلدە داۋ تۋعىزدى. ءتىپتى، ەل بيلىگى بۇل جاعدايدى زەرتتەۋگە كىرىستى.
ۆيدەو الەۋمەتتىك جەلىدە ۇلكەن شۋ كوتەردى: ءبىرقاتار ساۋدتىقتار مودەلدى يسلام نورمالارىن بۇزعانى ءۇشىن تۇتقىنداۋ كەرەك دەسە، باسقالارى ايەلدىڭ باتىلدىعىنا قايران قالىپ، ونى قولداپ شىقتى.
مۋنا ءابۋ سۇلەيمان
ەلگە تانىمال 44 جاستاعى مۋنا ەلدە داۋ تۋدىراتىنداي ارەكەتكە بارمايدى. دەسە دە ونى سىناۋشىلار كوپ. مۋنا ءابۋ سۇلەيمان حالىقارالىق تەلەارنا ەفيرىنە شىققان ساۋديالىق العاشقى تەلەجۇرگىزۋشى. وسى جايتتىڭ ءوزى كوپتەگەن وتانداستارىنا ونى سىناۋ ءۇشىن جەتكىلىكتى بولدى.
ولار يسلام ءتارتىبى بويىنشا ايەل ادامنىڭ ەلگە تانىمال بولۋىن قۇپ كورمەيتىنىن جەتكىزگەن. الايدا مۋنا ەشقاشان دا جۇرت كوزىنە اشىق كيىم كيىپ شىقپاپتى. تەلەجۇرگىزۋشى ءساندى كيىمدەر جەلىسىن ۇسىنادى. ءوزى جابىق كيىنەدى، ءبىراق باسقا مۇسىلمان ايەلدەرىنەن ەرەكشە كيىنگەندى ءجون سانايدى.
«قىزدار كيىم تاڭداۋدا تالعامنىڭ شەكسىز بولاتىنىن تۇسىنسە ەكەن دەيمىن»، - دەيدى مۋنا.
حانشايىم اميرا ات-تاۆيل
33 جاستاعى حانشايىم اميرا ات-تاۆيل ا ق ش- تىڭ نيۋ-حەيۆەن ۋنيۆەرسيتەتىنىڭ تۇلەگى. ول ميللياردەر ءال- ۆاليد يبن تالالا ءال-ساۋد حانزاداعا تۇرمىسقا شىققاننان كەيىن تانىمال بولا باستادى.
ەل جينالعان ورتالاردا ول ۇنەمى ەۋروپالىق ستيلدە كيىنىپ كەلەدى. ونىڭ وسى ارەكەتى ساۋدتىق كونسەرۆاتيۆتى قوعامنىڭ نارازالىعىن تۋدىرادى.
اميرا حانشايىم بىرنەشە رەت امەريكالىق ب ا ق- قا ساۋد ارابياسىنداعى ايەلدەرگە كولىك جۇرگىزۋگە تىيىم ماسەلەسى بويىنشا سۇحبات بەرگەن. ونىڭ ايتۋىنشا، ەلدە «باعىنباۋ اكسياسى» وتكەن. ونىڭ بارىسىندا ايەلدەر وزدەرىنىڭ كولىكتى تىزگىندەگەنىن ۆيدەوعا ءتۇسىرىپ، الەۋمەتتىك جەلىگە جۇكتەگەن.
مانال ال-شاريف
مانال ال-شاريف التى جىل بۇرىن ساۋد ارابياسىندا «ايەل بولا تۇرا كولىك جۇرگىزگەنى ءۇشىن» توعىز كۇن تۇرمەدە وتىرىپ شىققان بەلگىلى ساۋدتىق اراب ايەلى.
ونىڭ سوزىنشە، بىردە ول كەشكىلىك كوشەدەن ۇيىنە جەتۋ ءۇشىن تاكسي تاپپاي قالعان. وعان سول جەردە جىگىتتەر تيىسە باستاعان. مانال وسى جاعدايدان سوڭ، ءوزىم رولگە وتىرامىن دەپ شەشىپتى. YouTube-كە جۇكتەلگەن ۆيدەو ءبىر كۇن ىشىندە 700 مىڭ رەت قارالعان. وسىلايشا ول ساۋد ارابياسىندا ايەلدەردىڭ كولىك جۇرگىزۋى ءۇشىن كۇرەستى باستادى.
