باسى داۋدان ارىلمايتىن «كەشيۋدىڭ» قىزدارى بۇگىندە قايدا ءجۇر - فوتو
باسى داۋدان ارىلمايتىن «كەشيۋ» توبىنىڭ قىزدارى بۇگىندە نە ىستەپ ءجۇر دەگەن سۇراققا NUR. KZ پورتالى جاۋاپ ىزدەپ كوردى.
«كەشيۋ» جايلى جازعاندا توپقا جەتەكشىلىك ەتەتىن پروديۋسەر بايان ەسەنتايەۆانى ايتپاي وتە المايمىز. بۇعان دەيىندە تانىمال تەلەجۇرگىزۋشى زاڭدى نەكەدە بولا تۇرا، بيزنەسمەن تۇرسىن الاگوزوۆپەن كوڭىل قوسقانى ءۇشىن وتباسىندا ورىن العان قايعىلى جاعدايدان سوڭ ب ا ق بەتتەرىنەن تۇسپەي كەلە جاتىر. دەنساۋلىعىن قالپىنا كەلتىرگەن بايان ءدال قازىر قازاقستان ت ر ك تاپسىرماسىمەن «قوزى كورپەش- بايا سۇلۋ» ليرو-ەپوستىق جىرىنا فيلم تۇسىرۋمەن اينالىسۋدا.
«كەشيۋ» توبىنىڭ ەكس- ءانشىسى، 1996-جىلى تۋىلعان اقبوتا سەيىتماعامبەت.
اقبوتا «گلامۋر دليا دۋر» فيلمىندە باستى ءرولدى بىرگە سومداعان اكتەر، ءۇش بالانىڭ اكەسى داۋرەن ايدارقۇلوۆتى نەكەلى جارىنان تارتىپ العان. جاقىندا ول اكتەرگە ءبىر ۇل سىيلادى. اقبوتادا جۇرت نازارىنان تۇسپەيتىن انشىلەردىڭ ءبىرى.
«كەشيۋ» توبىنىڭ ەكس- ءانشىسى، 1995-جىلى تۋىلعان جۇلدىز ءومىرعالي.
تانىمال ءانشى، وتباسىلى، ەكى بالانىڭ اكەسى ايقىن تولەپبەرگەنمەن كوڭىل قوسقان. قوس ءانشى جاقىندا عانا تۇركيا ەلىنە بارىپ دەمالىپ كەلگەن. فوتودا اياعى اۋىر بولىپ كورىنگەن جۇلدىز ءومىرعالي انا بولۋعا دايىندالىپ جۇرگەن سياقتى.
«كەشيۋ» توبىنىڭ العاشقى مۇشەلەرىنىڭ ءبىرى- انەل ارىنوۆا، 1981-جىلى تۋىلعان.
2014-جىلى انەل وتباسىن قۇرىپ، 2016-جىلى ءبىر بالاسىمەن كۇيەۋىنەن اجىراسىپ كەتكەن. بۇگىندە انەل ونەر سالاسىنان الىستاپ كەتكەن جوق.
ايدانا مەدەنوۆا، 1991-جىلى تۋىلعان.
2015-جىلى «ينديگو» جانە «FM» توبىنىڭ پروديۋسەرى الىشەر نۇرجانوۆقا تۇرمىسقا شىقتى. ايدانانى كوپشىلىك الىشەردىڭ توقالى دەپ ويلاعان، بۇل سۇراقتان مەزى بولعان مەدەنوۆا كۇيەۋىنىڭ وزىنە دەيىن ءبىر رەت نەكەدە بولعانىن مالىمدەدى. جۇبايلار بۇگىندە ەكى بالا تاربيەلەپ وتىر.
ءمولدىر اۋەلبەكوۆا، 1986-جىلى تۋىلعان.
«كەشيۋ» توبىنان كەتىپ، توپقا ەكىنشى رەت قايتا كەلگەن. بۇگىندە جەكە ءانشى اتانعان ءمولدىردىڭ توپتان كەتۋىنە قاتىستى ەل اراسىندا ءتۇرلى قاۋەسەت تاراپ كەتتى. بىرەۋلەر ءانشىنى تانىمال ونەر ادامىنىڭ كۇيەۋىن تارتىپ العان دەسە، ەكس-پروديۋسەرى بايان ونى توپتان دەنساۋلىعىنا بايلانىستى بوساتقانىن ايتقان. اۋەلبەكوۆا قازىر تۇرمىستا، ءبىر بالانىڭ اناسى.
كامشات جولدىبايەۆا 1988-جىلى تۋىلعان.
كامشات جولدىبايەۆا بۇگىندە جەكە ءانشى، اكتريسا. ساحنالىق اشىق كيىمدەرى ءۇشىن كورەرمەن سىنىنا ءجيى ۇشىراپ، تۋعان ءسىڭىلىسى ەكەۋى قازنەتتى دۇرلىكتىرىپ ءجۇر.
جانار دۇعالوۆا، 1987-جىلى تۋىلعان.
جانار «كەشيۋ» توبىنان كەتكەن سوڭ، «Turkvision-2014» بايقاۋىنا قاتىسىپ باس جۇلدەنى قانجىعاسىنا بايلاعان. وسى بايقاۋدان كەيىن سپورت جانە ونەر وكىلدەرى اتىنان سايلاۋعا قاتىسقان ءانشى ءبىراز سىنعا ىلىكتى. جاناردىڭ سايلاۋعا قاتىسۋىنا پروديۋسەرى بايان ەسەنتايەۆانىڭ ءوزى قارسى بولدى. كەيىننەن «ايتا بەرسىن جۇرت» دەپ كورەرمەنىنە ءان ارناعان دۇعالوۆانىڭ رەپەرتۋارىنداعى اندەردىڭ ءسوزى كوپشىلىكتىڭ كوڭىلىنەن شىقپاي جاتتى.
