ق ر تۇرعىن ءۇيدى جالعا بەرۋ نارىعىندا باعا قۇلدىراۋدا
بيىلعى جىلى تۇرعىن ءۇيدى جالعا بەرۋ نارىعىندا سوڭعى بەس جىلداعى كورسەتكىش بويىنشا ەڭ تومەنگى قۇلدىراۋ تىركەلدى. باعا قازاقستاندىقتاردىڭ قارجىلىق مۇمكىندىكتەرىنىڭ قىسقارۋىنا بايلانىستى تومەندەۋدە. بيىلعى جىلدىڭ ءبىرىنشى جارتىجىلدىعىندا كوپقاباتتى تۇرعىن ۇيلەردى جالعا الۋ قۇنى بىلتىرعى جىلدىڭ قاڭتار- ماۋسىم ايلارىمەن سالىستىرعاندا، 0,1 پايىزعا تومەندەدى. ال كوپقاباتتى ەمەس ۇيلەردى جالعا الۋ جىل بويى نەبارى 0,1 پايىزعا ارتتى. سالىستىرمالى تۇردە ايتساق، بىلتىرعى جىلدىڭ وسى كەزەڭىندە كوپقاباتتى تۇرعىن ۇيلەردى جالعا بەرۋ 2,7 پايىزعا وسسە، كوپقاباتتى ەمەس ۇيلەردى جالعا بەرۋ - 4,9 پايىز بولعان. جالعا بەرۋشىلەر قازاقستاندىقتاردىڭ كىرىسىنىڭ ايتارلىقتاي تومەندەۋىنە بايلانىستى باعانى تومەندەتىپ وتىر.
بيىلعى جىلدىڭ قاڭتار- مامىر ايلارىندا ق ر تۇرعىندارىنىڭ قارجىلىق كىرىستەرى بىلتىرعى جىلدىڭ وسى كەزەڭىمەن سالىستىرعاندا، 2,9 پايىزعا تومەندەگەن. سونىمەن بىرگە، بىلتىرعى جىلى (قاڭتار- مامىر) رەسپۋبليكا تۇرعىندارىنىڭ ساتىپ الۋ قابىلەتى كۇرت قۇنسىزدانۋ مەن ونىڭ ۇزاقتىعىنا بايلانىستى 2,4 پايىزعا تومەندەدى. بيىلعى جىلى رەسپۋبليكانىڭ 5 وبلىسىندا كوپقاباتتى ۇيلەردى جالعا بەرۋ قۇنى تومەندەگەندىگى تىركەلگەن، 8 وڭىردە - ءوسۋ بايقالادى، قالعاندارىندا جىلدىق قۇن كورسەتكىشى وزگەرمەگەن. باعانىڭ قۇلدىراۋى الماتى قالاسىندا بايقالدى - مۇندا كوپقاباتتى ۇيلەردى جالعا بەرۋ قۇنى بىلتىرعى جىلمەن سالىستىرعاندا 9,7 پايىزعا تومەندەدى.
ەكىنشى ورىندا - استانا. ەلوردادا كوپقاباتتى تۇرعىن ۇيلەردى جالعا الۋ 9,3 پايىزعا تومەن باعالانادى. بۇل ەكەۋىنەن كەيىنگى ورىندا كوكشەتاۋ قالاسى تۇر. مۇندا قاڭتار- مامىر ايلارىنداعى كورسەتكىش بىلتىرعى جىلمەن سالىستىرعاندا جالعا بەرۋ قۇنى 4,7 پايىزعا تومەندەدى. كوپقاباتتى ەمەس ۇيلەردىڭ جالعا بەرۋ نارىعى دەمپينگكە بەيىمدەۋ - باعانىڭ قۇلدىراۋى بارلىعى ءۇش وڭىردە بايقالادى. 9 وبلىستا باعا ءوستى، 5 وبلىستا وزگەرىس جوق. كوپقاباتتى ەمەس ۇيلەردىڭ جالعا بەرۋ قۇنىنىڭ ەڭ تومەنگى كورسەتكىشى استانادا تىركەلگەن. مۇندا باعا جىل بويىنا بىردەن 16,1 پايىزعا تومەندەگەن.
