قازاقستان اۋعاندىقتاردى قۇقىق قورعاۋ قىزمەتىنە وقىتادى
دەپ حابارلايدى قازاقپارات ق ر ءى ءى م- گە سىلتەمە جاساپ.
ءى ءى م- دە وتكەن كەزدەسۋدە ق. قاسىموۆ شەتەلدىك مەيمانعا ەلىمىزدەگى ىشكى ىستەر ورگاندارى جۇيەسى تۋرالى اڭگىمەلەدى. مينيستر ءوز سوزىندە قازاقستاندىق پوليتسيا قىزمەتىنىڭ باسىم باعىتتارىنىڭ ءبىرى - ەسىرتكى بيزنەسىنە قارسى ءىس- قيمىل ەكەنىن اتاپ ءوتتى. بۇل باعىتتاعى مىندەتتەر شەتەلدىك ارىپتەستەرمەن ەكىجاقتى، ءتىپتى كەيدە بىرنەشە تاراپپەن بىرلەسىپ اتقارىلادى. ق ر ءى ءى م اۋعانستانداعى ەسىرتكىگە قارسى كۇرەستى كۇشەيتۋ شارالارىن قولداۋ جونىندەگى حالىقارالىق جوبالارعا بەلسەنەدى قاتىسادى. كەزدەسۋ بارىسىندا بۇل ماسەلە دە نازاردان تىس قالعان جوق.
مەملەكەتتەر اراسىنداعى ۇكىمەتارالىق كەلىسىم شەڭبەرىندە ق ر ءى ءى م قاراعاندى اكادەمياسىندا «قۇقىق قورعاۋ قىزمەتى» ماماندىعى بويىنشا 73 اۋعان ازاماتىن وقىتۋ قاراستىرىلعان، ونىڭ 26-سى اكادەميانى ءتامامداپ ۇلگەردى. اۋعانستانمەن اراداعى ءوزارا ىنتىماقتاستىق حالىقتى ازاماتتىق قورعاۋ سالاسىندا دا ىسكە اسىرىلۋدا. قازىرگى ۋاقىتتا بۇل مەملەكەتكە الماتى قالاسىندا جاڭادان قۇرىلعان توتەنشە جاعدايلار جانە دۇلەي ءزىلزالالاردى ازايتۋ جونىندەگى ورتالىق جانىنداعى باقىلاۋشى مارتەبەسى ۇسىنىلعان. كەزدەسۋگە قاتىسۋشىلار ەسىرتكى بيزنەسىنە، زاڭسىز كوشى- قونعا قارسى كۇرەستەگى ىنتىماقتاستىق، ازاماتتىق قورعانىس سالاسىندا ءوزارا ءىس- قيمىل جاساسۋدىڭ، اقپارات الماسۋ جانە باسقا دا وڭىرلىك قاۋىپسىزدىكتى قامتاماسىز ەتۋ اسپەكتىلەرىنىڭ نەگىزگى ماسەلەلەرىن تالقىلادى.
