ايگىلى رونالدۋ ءتورتىنشى رەت اكە اتانۋعا دايىندالىپ جاتىر - فوتو
بۇل تۋرالى ول El Mundo باسىلىمىنا بەرگەن سۇحباتىندا ايتتى دەپ جازادى vesti.kz.
ول ءوزىنىڭ سۇيىكتىسى دجوردجينا رودريگەستىڭ جۇكتى ەكەنىن راستادى. ولار 2016-جىلدىڭ قاراشاسىندا كەزدەسە باستاعان. فۋتبولشىمەن تانىسقانعا دەيىن رودريگەس كيىم ساتاتىن دۇكەندە جۇمىس ىستەگەن.
جۋرناليستىڭ «سەن تاعى دا بالالى بولاتىنىڭا قۋانىشتىسىڭ با؟» دەگەن سۇراعىنا ول: «ءيا، ارينە قۋانىشتىمىن»، - دەپ جاۋاپ بەرەدى.
ەسكە سالايىق، بۇعان دەيىن كريشتيانۋ رونالدۋ ەگىز بالانىڭ اكەسى اتانعانىن، وعان بالالاردى سۋرروگات انا بوسانىپ بەرگەنىن پورتۋگاليانىڭ SIC تەلەارناسى حابارلاعان بولاتىن.
8- ماۋسىمدا دۇنيەگە كەلگەن قىز بەن ۇلعا ماتەو جانە ەۆا دەگەن ەسىمدەر بەرىلگەن.
