استانادا جۇرگىزۋشى كۋالىگىنەن ايىرىلعان ازامات بويجەتكەندى قاعىپ كەتتى

«19- شىلدەدە ساعات 10.58 دە ەسەنبەرلين كوشەسىندە جۇرگىزۋشى كولىكتى باسقارا الماي قارسى جولاققا شىعىپ، اۆتوبۋس ايالداماسىندا تۇرعان كامەلەتتىك جاسقا تولماعان بويجەتكەندى قاعىپ كەتتى»، - دەلىنگەن حابارلامادا.

اپات سالدارىنان جاراقات العان بويجەتكەن اۋرۋحاناعا جەتكىزىلدى. ال ونى قاققان 21 جاستاعى ەر ادامدى، 2016-جىلدىڭ مامىرىندا استانا اكىمشىلىك سوتى ا ق ت ك 608-بابىنا سايكەس ءۇش جىلعا جۇرگىزۋشىلىك كۋالىگىنەن ايىرعان.

ودان ىشىمدىكتىڭ ءيىسى شىققان سوڭ، جۇرگىزۋشى مەديتسينالىق-الەۋمەتتىك ساۋىقتىرۋ ورتالىعىنا جەتكىزىلدى، ول مەديتسينالىق كۋالاندىرۋدان باس تارتتى. وعان قاتىستى ا ق ت ك 613-بابى بويىنشا اكىمشىلىك حاتتاما تولتىرىلىپ، ءىس اكىمشىلىك سوتقا جىبەرىلدى.

استانا اۋدانارالىق مامانداندىرىلعان سوتىنىڭ سۋدياسى وعان 20 تاۋلىككە تۇتقىنداۋ تۇرىندە جازا تاعايىندادى. بۇدان باسقا، ساراپتامالار تاعايىندالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى