جەڭىلدەتىلگەن «نۇرلى جەر» اياسىندا يپوتەكانى قالاي الۋعا بولادى؟

ول ارقىلى ەكىنشى دەڭگەيلى بانكتەردەن پاتەردى 10 پايىزدىق يپوتەكاعا ساتىپ الۋعا مۇمكىندىك بار، دەپ حابارلايدى قازاقپارات ءتىلشىسى.

قازاقستاننىڭ يپوتەكالىق كومپانياسى جەڭىلدەتىلگەن يپوتەكانى الۋ بويىنشا ارنايى جادىنامانى شىعاردى.

وعان سايكەس، الدىمەن بانككە يپوتەكالىق زايمدى الۋعا قاجەتتى قۇجاتتاردى، سونداي-اق مەملەكەت سۋبسيدياسىن الۋ تۋرالى ءوتىنىش تاپسىرۋ قاجەت. وسىدان كەيىن پاتەر الاتىن ادامنىڭ تولەم قابىلەتتىلىگى مەن كەپىل زاتتىڭ بار-جوعى تەكسەرىلەدى.

بانك وڭ شەشىم شىعارسا، ءۇش كۇننىڭ ىشىندە قازاقستاننىڭ يپوتەكالىق كومپانياسىنا سۋبسيديانى بەرۋ تۋرالى قولداۋحاتتى جىبەرەدى. كومپانيا ءوز كەزەگىندە تاعى بەس كۇن ءتيىستى قۇجاتتاردى تەكسەرەدى. ول دا وڭ شەشىم شىعارسا، ءۇش كۇننىڭ ىشىندە بانككە حابار بەرەدى. بانك وسى شەشىمنىڭ نەگىزىندە نەسيە الاتىن اداممەن كەلىسىمشارتتاردى راسىمدەيدى.

وسىلايشا، ادامنىڭ قولىندا ەكى كەلىسىمشارت بولادى. بىرەۋى زايم العانى تۋرالى بولسا، ەكىنشىسى سۋبسيديانى الۋدى كوزدەيدى.

ال كەلىسىمشارتتى راسىمدەۋگە قاجەتتى قۇجاتتارعا كەلەر بولساق، الدىمەن ءۇيدىڭ قۇجاتتارى بولۋى شارت. سوسىن مۇلىكتىڭ بار-جوعىن دالەلدەيتىن انىقتامانى بەرۋ كەرەك.

بۇدان بولەك، كەپىلگەر، قوسالقى قارىز الۋشى جانە قارىز الۋشىنىڭ جەكە قۇجاتتارى، زەينەتاقى قورىنىڭ انىقتاماسى (التى ايلىق ەسەپ)، مەكەنجاي انىقتاماسى، جالاقى تۋرالى انىقتاما، ساتىپ الىناتىن باسپانانى باعالاۋ ەسەبى جانە العاشقى جارنا بويىنشا بانكتىڭ تۇبىرتەگى بولۋى قاجەت.

ايتا كەتەيىك، ۇكىمەتتىڭ كەشەگى وتىرىسىندا ق ر ينۆەستيتسيالار جانە دامۋ ءمينيسترى جەڭىس قاسىمبەك جەڭىلدەتىلگەن يپوتەكانىڭ بەرىلە باستاعانىن مالىمدەگەن ەدى.

قازىرگى كەزدە يپوتەكالىق نەسيەلەردى سۋبسيديالاۋ باعدارلاماسىنا «بانك سەنتركرەديت» ا ق، «ا ت ف بانك» ا ق جانە «سبەربانك» ا ق قاتىسىپ، 10 پايىزدىق يپوتەكانى بەرىپ تە ۇلگەردى.

ال «تۇرعىن ءۇي قۇرىلىس جيناق بانكى» ا ق، «Tengri Bank» ا ق، «سەسنابانك» ا ق، «Bank RBK» ا ق، «نۇربانك» اق پەن «ۆ ت ب بانكى» جىلدىڭ ەكىنشى جارتىسىندا اتالعان باعدارلاماعا قاتىسۋدى كوزدەيدى.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى