كاسىپكەرلەر التى ايعا دەيىن كەدەن سالىعىن تولەمەي جۇرە الادى - مينيسترلىك

وسىلايشا، تاۋار تاسيتىن كاسىپكەرلەر بارلىق دەكلاراتسيالارىن اقپاراتتىق جۇيە ارقىلى ۇيدەن شىقپاي-اق تاپسىرا الادى، دەپ حابارلايدى قازاقپارات ءتىلشىسى.

بۇدان بولەك، كەدەن سالىقتارىن تولەۋدىڭ جاڭا جۇيەسى ەنگىزىلەدى. وعان سايكەس، دەكلارانت ءبىر اۆانستىق تولەم جاسايدى، ال اقپاراتتىق جۇيە ونى باج سالىعى جانە تاعى باسقا سالىق تۇرلەرىنە ءبولىپ تاستايدى.

«سوسىن كەدەندىك سالىقتاردى تولەۋدى ءبىر ايعا دەيىن شەگەرۋگە مۇمكىندىك بار. الايدا ارتىنان پروتسەنت تولەۋگە تۋرا كەلەدى. سالىق تولەۋدى التى ايعا دەيىن پروتسەنتسىز شەگەرۋ مۇمكىندىگى دە قاراستىرىلعان. ونداي شارا بارلىعىنا تارالمايدى. ماسەلەن، اۋىل شارۋىشىلىعى تەحنيكاسىن جەتكىزۋ، اسىل تۇقىمدى مالدى تاسىمالداۋ جانە تاعى ءبىرقاتار سالالار بويىنشا التى ايلىق سالىقسىز كەزەڭدى پايدالانۋعا بولادى»، - دەدى ق ر ۇلتتىق ەكونوميكا ءمينيسترى ەرنار باكەنوۆ بۇگىن كودەكس جوباسىن تالقىلاۋعا ارنالعان جيىندا.

بۇگىندە وتاندىق كاسىپكەرلەر جاڭا كەدەن كودەكسىن قولداپ وتىر. الايدا كاسىپكەرلەر اقپاراتتىق تەحنولوگيالاردىڭ قۇجاتتا قالاي كورسەتىلسە، ءىس جۇزىندە دە سولاي ەنگىزىلگەنىن قالايدى. كودەكستىڭ جوباسى ءالى دە تالقىلاناتىن بولادى. كۇزگە قاراي ونى پارلامەنت ءماجىلىسىنىڭ قاراۋىنا ەنگىزۋ جوسپارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى