ينتەرپول ءابليازوۆتى ىزدەستىرۋدى توقتاتتى

بۇل تۋرالى اقپاراتتىق دەرەككوزىنە سىلتەمە جاساپ France-Presse اگەنتتىگى حابارلادى دەپ جازادى ورتالىق ازيانىڭ جاڭالىقتار قىزمەتى.

ينتەرپول ابليازوۆكە قاتىستى ىزدەۋدەگى ادامدى ۇستاۋعا جانە ەكستراديتسيالاۋعا رۇقسات بەرەتىن قىزىل بەلگىنى دە العان.

7- ماۋسىمدا الماتىدا سوت مۇحتار ءابليازوۆتى «قىلمىس جاساۋعا وقتالۋ»، «قىلمىستىق قوعامداستىق قۇرۋ، وعان باسشىلىق جاساۋ»، «سەنىپ تاپسىرىلعان بوتەن مۇلىكتى يەلەنىپ الۋ نەمەسە ىسىراپ ەتۋ»، «ب ت ا بانك قارجىسىن جىمقىرۋ جانە ونىڭ ءىزىن جاسىرۋ»، «بانك قارجىسىن زاڭسىز پايدالانۋ» جانە «وكىلەتتىكتەرىن تەرىس پايدالانۋ» باپتارى بويىنشا كىنالى دەپ تانىپ، سىرتىنان 20 جىلعا سوتتادى.

ۇكىم بويىنشا، ءابليازوۆتىڭ دۇنيە-مۇلكى تاركىلەنىپ، بانكتە كاسىبي قىزمەت اتقارۋ قۇقىعىنان ءۇش جىلعا ايىرىلادى جانە 300 ايلىق ەسەپتىك كورسەتكىش (680700 تەڭگە) كولەمىندە ايىپپۇل سالىنادى.

فرانسيادا 2013-جىلدىڭ جازىنان بەرى ءۇش جىلدان اسا ۋاقىت قاماۋدا بولعان مۇحتار ءابليازوۆ 2016-جىلى 9- جەلتوقساندا بوستاندىققا شىققان. ول وزىنە تاعىلعان ايىپتاردى مويىندامايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى