شەتەلدەگى دەمالىس كەزىندە توسىن جايتقا تاپ بولماۋدىڭ قانداي جولى بار
«سوڭعى ۋاقىتتا الاقول تۋريستىك وپەراتورلاردىڭ كىناسىنەن شەت مەملەكەتتەرگە ساپارلاپ بارعان قازاقستاندىق تۋريستەردىڭ جاتىن ورىندارىنا اقى تولەنبەي دالادا قالۋ وقيعالارى جيىلەپ كەتتى. وزدەرىڭىزدە بىلەتىندەي، «قازاقستان رەسپۋبليكاسىنداعى تۋريستىك قىزمەت تۋرالى» ق ر زاڭىنا سايكەس، نارىقتىڭ بارلىق قاتىسۋشىلارى قىزمەتتەرىن كوشپەلى تۋريزم سالاسىندا قازاقستاندىقتاردىڭ قۇقىقتارىنا كەپىل بەرۋ جۇيەسى اياسىندا جۇزەگە اسىرۋعا مىندەتتى.
2016 -جىلدىڭ قازانىندا كوشپەلى تۋريزم سالاسىنداعى ق ر ازاماتتارىنىڭ قۇقىقتارىنا كەپىل بەرۋ جۇيەسىنىڭ جۇمىس ىستەۋ ەرەجەسى بەكىتىلىپ، ازاماتتاردىڭ قۇقىقتارىن كەپىلدەندىرۋ جۇيەسى ەنگىزىلدى جانە جۇيە اكىمشىسى ايقىندالدى. بۇل ارنايى قۇرىلىمنىڭ جالعىز عانا قىزمەتى - شەتەلگە شىققان ازاماتتاردى قورعاۋ» ، - دەدى كوميتەت ءتورايىمى مانيۋرا مىرزامادييەۆا. كەپىل بەرۋ جۇيەسىنىڭ اكىمشىسى - «تۋريستىك قامقور» كورپوراتيۆتىك قورى. بۇل قوردىڭ ماقساتى - ەگەر تۋريستىك وپەراتور ءوز مىندەتتەمەسىن ورىنداماعان جاعدايدا ۋاقىتشا وزگە مەملەكەتتە جۇرگەن قازاقستاندىق تۋريستەردى ەلگە جەتكىزۋ بويىنشا شۇعىل كومەك كورسەتۋ.
تۋريستىك جۇيە اكىمشىسىنە جۇگىنگەن جاعدايدا ارنايى ەسەپشوت قارجىسى ەسەبىنەن شۇعىل كومەك الۋعا قۇقىلى بولادى.
«وسىعان بايلانىستى ق ر مادەنيەت جانە سپورت مينيسترلىگى قازاقستان ازاماتتارىنىڭ نازارىن تۋريستىك ءونىمدى ساتىپ الۋ بارىسىندا تۋريستىك كومپانيادان تۋريستىك ءونىمدى ۇسىنىپ وتىرعان وپەراتور مەن «تۋريستىك قامقور» كورپوراتيۆتىك قورى اراسىندا جاسالعان كەلىسىشارتتىڭ بولۋى تۋرالى اقپاراتتى ناقتىلاۋ قاجەتتىگىنە اۋدارتادى»، - دەدى كوميتەت ءتورايىمى.
ايتا كەتەرلىگى، ءوز بەتىنشە شەتەلگە ساپارمەن شىعاتىن تۋريستەر دەمالىستارىنىڭ جايلى وتۋىنە جاۋاپتى بولادى. «تۋريستىك قامقور» قورىنىڭ ديرەكتورى اسىلحان ەسىلوۆتىڭ ايتۋىنشا، تۋريستىك كومپانيانى تاڭداۋ جانە ونىمەن كەلىسىمشارت جاساسۋ سىندى كۇردەلى ىسكە بارىنشا جاۋاپكەرشىلىكپەن قاراۋ قاجەت.
«تۋريستىك اگەنتتىكتى دۇرىس تاڭداۋ ءسىزدىڭ جايلى دەمالىسىڭىزعا عانا ەمەس سونىمەن قاۋىپسىزدىگىڭىزگە دە بايلانىستى بولادى. ءتۋريستى قىزمەت كورسەتۋگە ارنالعان كەلىسىمشارتتى راسىمدەۋگە دە بارىنشا تىڭعىلىقتى نازار اۋدارعان ءجون. ءسىزدىڭ ودان ارعى ساپارىڭىز فيرمامەن تۋريستىك قىزمەت كورسەتۋگە ارنالعان گارتپەن قانشالىقتى جان- جاقتى تانىسقانىڭىزعا بايلانىستى بولماق»، - دەدى ول.
ەسىلوۆتىڭ ايتۋىنشا، كەلىسىمشارتتىڭ باس جاعىنداعى جانە مورىندەگى كومپانيا اتاۋى ءبىر- بىرىمەن سايكەس كەلۋى ءتيىس. تۋريستىك اگەنتتىك كەلىسىمشارتتى بارىنشا تۇسىنىكتى جاساۋى شارت. بارلىق داتالاردىڭ، اقشالاي تولەمدەردىڭ، الداعى ۋاقىتتا باراتىن ورىندى جانە دەمالىس كۇندەرىنىڭ سانىن دۇرىس ەكەندىگىن تەكسەرۋ قاجەت. كەلىسىمشارتتا كورسەتىلگەن ايىپپۇل سانكسيالارىنا جانە قىزمەتتەرگە تولەم نىسانىنا ايرىقشا نازار اۋدارۋى كەرەك. قوسىمشا سۇراقتار قويىپ، ناقتىلاۋدان قىسىلماعان دۇرىس.
اسىلحان ەسىلوۆ تۋريستىك تۋركود الۋ قاجەتتىگىنە دە ايرىقشا نازار اۋدارتادى. ول شەكارانى كەسىپ وتكەن ساتتە بەرىلەدى ءارى ۆاۋچەردە (جولدامادا) كورسەتىلەدى. بارلىق تۋريستەر كەز كەلگەن تۋردى ساتىپ العان كەزدە تۋركود تالاپ ەتۋى قاجەت جانە ونى www.fondkamkor.kz سايتىنان تەكسەرگەندەرى دۇرىس.
«تۋركود تۋريستىك وپەراتور ءوز مىندەتتەمەسىن ورىنداۋى مۇمكىن ەمەس جاعدايدا ەلگە ورالۋدىڭ كەپىلى سانالادى. تۋريستىك وپەراتور ءوز مىندەتتەمەسىن ورىنداماۋ جاعدايى تۋىنداعان ساتتە تۋركود بولسا، وندا كەپىل بەرۋ جۇيەسىنىڭ اكىمشىسى ءسىزدىڭ ۇيگە ورالۋىڭىزدى قامتاماسىز ەتەدى»، - دەدى ول.
ونىڭ دەرەگىنشە، كوشپەلى تۋريزم سالاسىندا قازاقستاندىقتاردىڭ قۇقىقتارىنا كەپىل بەرۋ جۇيەسىندە 62 قازاقستاندىق تۋريستىك وپەراتور تىركەلگەن. جالپى، قازاقستاندا تۋريستىك قىزمەتكە 1,5 مىڭنان استام ليسەنزيا بەرسە، سونىڭ بۇگىندە 500-گە جۋىعى عانا جۇمىس ىستەيدى
اۋدارما: مارلان جيەمباي
