كەز كەلگەن حالىققا قىزمەت كورسەتۋ ورتالىعىندا ءتولقۇجات اۋىستىرۋعا مۇمكىندىك بار

  دەپ حابارلايدى «قازاقپارات» ح ا ا ءتىلشىسى «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اكتسيونەرلىك قوعامىنىڭ باسقارما ءتوراعاسى ابىلايحان وسپانوۆقا سىلتەمە جاساپ.

«الەۋمەتتىك جەلىلەردە حالىقتىڭ كوپشىلىگى استاناعا، الماتىعا نەمەسە شىمكەنتكە وزگە قالالاردان كەلگەن ادامداردىڭ كەز كەلگەن ح ق ك و قىزمەتىن پايدالانا الاتىنىن، ءبىراق سول ءۇش قالا تۇرعىندارىنىڭ وزدەرى تىركەلگەن اۋدانداعى ءبىر عانا ح ق ك و- عا باراتىندارىن ايتىپ، نارازىلىق بىلدىرۋدە. ماسەلەن، ءسىز اقتوبەدە تىركەۋگە تۇرىپ، جەكە كۋالىكتى استانادا العىڭىز كەلسە، كەز كەلگەن ح ق ك و- عا بارا الاسىز. ەل اۋماعىنداعى «ەكستەرريتوريالدىق ۇستانىمدى» 2014 -جىلدىڭ كوكتەمىندە ەنگىزىپ قويعانبىز. ال استانانىڭ ەسىل اۋدانىندا تىركەلگەن تۇرعىن سارىارقا اۋدانىنىڭ حقكو- ىنا بارا المايدى. كەڭسەلەر جۇمىسىنىڭ كوپتىگىنەن ول تۇرعىن تەك قانا ەسىل اۋدانىنىڭ حقكو- ىنا بارۋى ءتيىس بولدى» ، - دەپ جازدى ول الەۋمەتتىك جەلىدە. «بۇل ماسەلەنى كوشى- قون پوليتسياسىمەن بىرلەسە وتىرىپ قول الىپ، ناتيجەگە قول جەتكىزدىك! ەندى «ەكستەرريتوريالدىق ۇستانىم» استانا، الماتى جانە شىمكەنت قالالارىنا ەنگىزىلەدى - بۇل ءۇش قالانىڭ تۇرعىندارى پاسپورت پەن جەكە كۋالىكتى اۋىستىرۋ بويىنشا تۇرعىلىقتى مەكەنجايىنان تىس كەز كەلگەن حالىققا قىزمەت كورسەتۋ ورتالىعىنىڭ قىزمەتىن پايدالانا الادى»، - دەپ حابارلادى ا. وسپانوۆ.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى