بريتاندىق مۋزەي وزبەكستاندا ۇرلانعان جادىگەردىڭ قايتارىلۋىنا كومەكتەستى

 بيىكتىگى جارتى مەتر ارابشا كالليگرافيالىق جازباسى بار كوگىلدىر ءتۇستى پليتكا 2014 -جىلى جوعالىپ كەتكەن. بۇحارادان ون شاقىرىم قاشىقتىقتا ورنالاسقان 12 - عاسىر كەسەنەسىنىڭ جوعارعى جاعىندا تاقتا ورنى سودان بەرى ۇڭىرەيىپ تۇر.

 قابىرعا بولشەگىن لوندوندىق Mayfair گالەرەياسىندا ساتىلىمعا قويىلعانعا دەيىن مۇنداعى جۇرت ەندى قايتىپ تابىلمايدى دەپ ەسەپتەپ كەلدى. تاياۋدا عانا وزبەكستانعا كەلگەن وكسفوردتىق عالىم اتالمىش پليتكانىڭ سۋرەتىن سايمون رەي گالەرەياسىنىڭ كاتالوگىنان بايقاپ قالعان. قابىرعا بولشەگىن ساتىپ العان رەي بىردەن بريتاندىق مۋزەيگە حابارلاسقان، ولار كوللەكسيا جيناۋشىنىڭ بۇل ارەكەتىنە ريزاشىلىعىن ءبىلدىردى.

رەيدىڭ ايتۋىنشا، ساتۋشىلار پليتكانىڭ كوپ جىلدار بويى گەرمانياداعى كوللەكسيالاردىڭ قاتارىندا ساقتالىپ كەلگەنىنە سەندىرگەن. مۋزەيدىڭ اعا كۋراتورى سەنت- دجون سيمپسون تاريحي كەسەنەدەگى پليتكانىڭ ۇرلانۋىن قىلمىسقا بالاپ، ونى ۆەستمينستەر ابباتىنداعى مەموريالدىق تاقتانىڭ ۇرلانۋىمەن سالىستىردى.

«بۇل ەڭ كەرەمەت، ءىرى جانە ەڭ كونە جازبالارى بار ورتالىق ازيانىڭ ءدىني ەسكەرتكىشتەرىنىڭ ءبىرى»، - دەدى مۋزەي وكىلى.

 The Guardian باسىلىمى وزبەكستاننىڭ پرەمەر- ءمينيسترى ابدۋللا اريپوۆ تاريحي ەسكەرتكىشتىڭ وتانىنا قايتارىلعاندىعىنا بايلانىستى بريتاندىق مۋزەيگە شەكسىز العىسىن بىلدىرگەندىگىن جازدى. كەسەنە قابىرعاسىنىڭ بولشەگى قالاي ۇرلانعاندىعى جانە وزبەكستاننان ەۋروپاعا قالاي شىعارىلعاندىعى ازىرگە بەلگىسىز.

فوتو: British Museum

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى