يزرايلدىڭ ءولى تەڭىزىنە تەڭەستىرىلگەن شوشقالى كولى
شوشقالى كولىنىڭ سۋى قۇرامى جاعىنان يزرايلدەگى ءولى تەڭىزدىڭ سۋىمەن تەڭ ەكەنىن ايتا كەتكەن ورىندى.
اۋدان اكىمىنىڭ مىندەتىن اتقارۋشى ەربولات راحمەتۋلليننىڭ ايتۋىنشا، تۋريستىك سالانى دامىتۋ شەڭبەرىندە اۋدان كولەمىندە ءىرى ينۆەستيتسيالىق جوبالار ىسكە اسىرىلۋدا.
«شوشقالى كولىنىڭ سۋى قۇرامى جاعىنان يزرايلدەگى ءولى تەڭىزدىڭ سۋىمەن تەڭ ەكەنىن ايتا كەتكەن ورىندى. جالپى، ءبىزدىڭ اۋداندا ەمدىك- ساۋىقتىرۋ تۋريزمىنىڭ دامۋىنا باسا نازار اۋدارىلۋدا. بۇگىندە بەسقاراعايدا قۇنى 250 ميلليون تەڭگەنى قۇرايتىن «ەكى دوس» شيپاجاي كەشەنى سالىنۋدا. قازىر بۇل نىسانداعى قۇرىلىس جۇمىستارىنىڭ 80 پايىزعا جۋىق بولىگى اياقتالدى. اتالمىش شيپاجايدا مارال قانىمەن ەمدەۋ كەشەنى، كيىز ءۇي قالاشىعى، 300 ورىندىق مەيرامحانا، 120 ورىندىق قوناقۇي بوي كوتەرەدى دەپ جوسپارلانۋدا»، - دەيدى ە. راحمەتۋللين.
