التىناي جورابايەۆا اجىراسقانىن العاش رەت مويىندادى

«بەيبىتپەن تانىستىعىمىز، سوناۋ 1997-جىلى «جاس قانات» بايقاۋىنان بەرى. ءبىر-ءبىرىمىزدى كورمەگەلى ءبىراز بولعان ەدى... شىنىندا دا قاتتى ساعىنىپ قالعان ەكەنمىن... ءبىراق شۇيىركەلەسە المادىق... تويداعى قاتتى مۋزىكادان با؟»، - دەپ جازعان ءانشى جۇرتتىڭ تاڭدانىسىن تۋدىرعان حەشتەگتەردى تىزەدى.

«نەگىزى اجىراسقاننان بەرى بىلمەيمىن، ءوزىمدى تومەن سانايتىن بولىپپىن، اسىرەسە كۇيەۋى بار كەلىنشەكتەرمەن وتىرعاندا كۇيەۋلەرىنەن قاتتى ىڭعايسىزدانامىن. ءبارىبىر كۇيەۋلەرىنە ۇنامايدى عوي، كەلىنشەگىنىڭ اجىراسقان ايەلمەن ارالاسقانى»، - دەپ حەشتەگتەرگە ويىن ءتىزىپ شىقتى ءانشى.

بۇل حەشتەگتەردى بايقاپ قالعان جەلى قولدانۋشىلارى جورابايەۆاعا انا جانە ايەل باقىتىن تىلەپ، ەڭسەسىن تۇسىرمەۋگە شاقىردى.

«تومەن ساناما ءوزىڭدى، ەشقاشان. اللانىڭ الدىندا ءبارىمىز بىردەي پەندەمىز. اللا كەمىتپەسىن. ءتورت قىزىڭنىڭ جاماندىعىن كورمە»، «التىناي، اينالايىن، ولاي مۇڭايما. باسىڭدى بيىك، جوعارى ۇستا. قىزدارىڭ امان بولسىن. سەنى حالقىڭ جاقسى كورەدى»، - دەيدى پىكىر قالدىرۋشىلار.

ەسكە سالساق، جورابايەۆانىڭ پروديۋسەر ءسابيت ابدىحالىقوۆپەن اجىراسقانى تۋرالى ەلدە سىبىس تاراعان بولاتىن. سودان كەيىن ءسابيت ءابدىحالىقوۆ اجىراسقانىن راستاعانىمەن، جورابايەۆانىڭ ءوزى وسى كۇنگە دەيىن اجىراسقانى تۋرالى ءتىس جارماي كەلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى