قازاقستاندا جول پوليتسياسى ەندى ەرەجە بۇزعان ادامنىڭ ۇستىنەن حاتتاما تولتىرمايتىن بولدى

بۇل تۋرالى ق ر باس پروكۋراتۋرا وكىلى باعدات مۋسين فەيسبۋكتەگى پاراقشاسىندا جاريالادى.

«ءار جوبانىڭ ارتىندا قالىڭ ادامدار شوعىرى تۇرادى. ءبىزدىڭ كوميتەتتىڭ كومانداسى جول پوليتسياسىنىڭ جۇمىسى ءۇشىن جوبا قۇراستىردى» دەپ جازعان ول، 9 كەزەڭنەن تۇراتىن وزگەرىستەردى ۇسىنادى.

1. بۇرىن حاتتامانى قاعازعا جازىپ تۇرۋعا 15-20 مينۋت كەتەتىن بولسا، قازىر ونى پلانشەت ارقىلى 3-5 مينۋتتا رەتتەۋگە بولادى؛

2. قاعازدا ازاماتتىڭ مالىمەتتەرىنە قاتىستى قاتەلىكتەر كەتىپ، ايىپپۇلدار ۋاقىتىلى تولەنبەدى. ال قوسىمشا ارقىلى ج س ن ءنومىرىن ەنگىزىپ، بارلىق مالىمەتتەر بازا ارقىلى شىعىپ تۇرادى؛

3. ەگەر ازاماتتىڭ جول ەرەجەسىن بۇرىن بۇزعانى تۋرالى بىلگىسى كەلسە پوليتسيا راتسيا ارقىلى ديسپەتچەرمەن حابارلاساتىن. ەندى قازىر پلانشەتتە ول ادام بۇزعان اكىمشىلىك جاۋاپكەرشىلىكتەر سايراپ تۇرادى.

4. ەلەكتروندى حاتتامانى جوعالتىپ الۋ، جويۋ، وڭدەۋ مۇمكىن ەمەس. ونداعى مالىمەتتەر بىردەن بازاعا تىركەلەدى؛

5. قاعاز حاتتاما كەزىندە پوليتسەي حاتتامالاردى تاعى ءبىر قىزمەتكەرگە وتكىزۋگە ءتيىستى ەدى. ەندى پلانشەت ارقىلى ەرەجە بۇزۋشىلىق بىردەن ايىپپۇلداردىڭ ءبىرىڭعاي بازاسىنا توپ ەتىپ، تولەم جاساۋ ءۇشىن ەكىنشى دەڭگەيلى بانكتەرگە تاراتىلادى؛

6. ايىپپۇلدى تولەگەننەن كەيىن بازادان اتى-ءجونىڭ جويىلادى؛

7. سونداي-اق، سەن تۋرالى قوسىمشا كۋالىك بەرىلەدى (كولىگى ۇرلانعان با نەمەسە جول- كولىك وقيعاسىنا قاتىسى بار ما دەگەن سەكىلدى).

8. ساقتاندىرۋ بازاسى مەن تەحنيكالىق تەكسەرۋ بازاسى ىنتىماقتاسادى؛

9. جاقىن ارادا پوليتسەيلەردىڭ ايىپپۇلداردى پلانشەت ارقىلى قابىلدايتىن مۇمكىندىگى بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى