الماتىداعى تەراكت جاساعان لاڭكەس كۇلەكبايەۆ جازاسىن قالاي وتەپ جاتىر؟
Sputnik قازاقستان اگەنتتىگىنە حابارلاعان دەرەككوزگە سۇيەنسەك، رۋسلان كۇلەكبايەۆ قوستاناي وبلىسى ارقالىق قالاسىندا ورنالاسقان تۇرمەدە وتىر. قازاقستاندا ءولىم جازاسىنا موراتوري جاريالانعان، سول سەبەپتى ءولىم جازاسىنا كەسىلگەن قىلمىسكەرلەر اسا قاتاڭ تارتىپتە ۇستالادى.
«كۇلەكبايەۆ ارنايى كامەراعا قامالعان، سوندىقتان باسقا تۇرمەدەگىلەرمەن ارالاسپايدى. كۇنىنە ءبىر رەت دالاعا شىعادى. كۇلەكبايەۆتىڭ مىنەز-قۇلقى ناشار، ۇنەمى ءتارتىپ بۇزادى»، - دەدى اگەنتتىككە سۇحبات بەرۋشى.
ارقالىق تۇرمەسىندە وتىرعان مەرزىمدە لاڭكەس بىردە-ءبىر رەت حات جازباعان. تۋعان-تۋىستارىمەن دە، ادۆوكاتپەن دە كەزدەسپەپتى.
العاشقى كىسى ءولىمى - 17- شىلدە 2016-جىل: رۋسلان كۇلەكبايەۆ الماتىدا جەزوكشەلىكپەن اينالىسقان وزبەكستان ەلىنەن كەلگەن ايەل ادامدى اتىپ تاستادى. تەرگەۋ بارىسىندا انىقتالعانداي، ول ايەل ادامنىڭ اينالىسىپ جۇرگەن ىسىنە ءدىني كوزقاراسى بويىنشا قارسى بولعاندىقتان ولتىرگەن.
18- شىلدەدە المالى اۋداندىق ىشكى ىستەر ءبولىمى توڭىرەگىندە ساعات 10:54 تە اتىس بولدى. ءى ءى م بەرگەن اقپارات بويىنشا، قىلمىسكەر پوليتسيا مەكەمەسىنە كىرمەك بولادى، قۇجاتىن كورسەتۋدەن باس تارتقان ول كەزەكشى قىزمەتكەردى جارالاپ، ونىڭ قارۋىن تارتىپ الادى دا، تاعى ەكى پوليتسەي مەن قاراپايىم ازاماتقا وق اتىپ، قاشىپ كەتەدى.
«الماتىلىق اتقىشتىڭ» سوڭىنان قۋىپ، ۇستاۋ كەزىندە، ول تاعى بىرنەشە پوليتسەيدى اتىپ، ۇشەۋىن ولتىرەدى. بۇل جەردە كەرەعار مالىمەت بەرىلگەن: اۋەلى بىرنەشە ادامنىڭ شابۋىل جاساپ، Toyota كولىگىنە ءمىنىپ قاشىپ كەتكەنى ايتىلسا، كەيىنەن لاڭكەستىڭ كولىككە وتىرىپ، جۇرگىزۋشىنى قورقىتىپ، كولىكتى ايداۋعا ماجبۇرلەگەنى انىقتالدى. جولدا ول پوليتسيا كولىگىن اتقىلاپ، ەكى پوليتسەيدى جارالايدى. كەيبىر ب ا ق وكىلدەرى بەلگىسىز دەرەككوزدەرگە سىلتەمە جاساپ، بولعان وقيعانى باسقاشا باياندايدى: قارۋلانعان كۇلەكبايەۆ ا ءى ءى ب مەكەمەسىنە كىرىپ، بىردە-ءبىر پوليتسەيدى تاپپاي سىرتقا شىعىپتى مىس.
رۋسلان كۇلەكبايەۆ 10 مينۋت ىشىندە الماتى ۇ ق ك دەپارتامەنتى مەكەمەسىنە جەتەدى. قايتا اتىس باستالادى: لاڭكەس كىرەبەرىستە كەزەكشىلىكتە تۇرعان پاترۋلدىك پوليتسەيلەرگە وق جاۋدىرعان. قۇقىق قورعاۋ ورگاندارىنىڭ ەكى قىزمەتكەرى قازا تاۋىپ، بىرەۋى جارالاندى. كولىك جۇرگىزۋشىسى قاشىپ كەتكەن. كۇلەكبايەۆ شەكارا قىزمەتكەرىنىڭ اۆتوكولىگىن تارتىپ الۋ ءۇشىن، ونى ولتىرەدى دە، تاعى ءبىر ازاماتتى جارالايدى.
بىرنەشە ساعاتتاردان سوڭ رەسمي اقپارات جاريالاندى: لاڭكەس «لادا» كولىگىنە وتىرىپ الىپ، جۇرگىزۋشىنى جول ءجۇرۋ ەرەجەسىن بۇزىپ، ءارى قاراي جۇرۋگە ماجبۇرلەگەن. «قىزىلعا» ءوتىپ كەتكەن كولىكتى پاترۋلدىك پوليتسيا بايقاپ، سوڭىنان ىلەسىپ، توقتاتقان: لاڭكەس تاعى دا وق اتا باستايدى. ءبىر پوليتسەي جارالانىپ، ەكىنشىسى قازا تابادى.
لاڭكەس ساعات 11:30 دا «قازاق كونسەرت» عيماراتى ماڭىندا ۇستالعان، ياعني المالى ا ءى ءى ب شابۋىلداعاننان كەيىن ءبىر جارىم ساعاتتان سوڭ. تەرروريستتى ۇستاۋ كەزىندە ەكى پوليتسەي جاراقات الدى.
ساعات 12:20 دا تەررورلىق قاۋىپتىڭ قىزىل دەڭگەيى ەنگىزىلدى. سول كەزگە دەيىن قالانىڭ قارۋ دۇكەندەرىنىڭ ءبارى شۇعىل تۇردە جابىلعان. كوپ ۇزاماي نىساندارداعى كۇزەتتى كۇشەيتۋگە بۇيرىق بەرىلىپ، قالا اۋماعىنداعى اسكەري بولىمشەلەر كۇشەيتىلگەن رەجيمدە قىزمەت ەتە باستادى.
تەراكت سالدارى: قۇقىق قورعاۋ ورگاندارى مەن باسقا دا مەملەكەتتىك ورگانداردىڭ سەگىز قىزمەتكەرى مەن ەكى ازامات قازا تاپتى. بۇرىن مەتال شارباقپەن قورشالعان الماتى اۋداندىق ىشكى ىستەر ءبولىمى عيماراتى 2016-جىلى كۇزدە دۋالمەن قورشالدى.
بيىل كوكتەمدە سوتقا المالى اۋداندىق ىشكى ىستەر ءبولىمى باسشىسى اسقار بولاتوۆ پەن ونىڭ قول استىنداعى ەكى قىزمەتكەر - قايرات امانجولوۆ پەن سىرىم بايمەڭديەۆكە قاتىستى ءىس ءتۇستى. ولار قىزمەت بارىسىنداعى ارەكەتسىزدىگى مەن سالعىرتتىعى ءۇشىن ايىپتالعان.
بولاتوۆ كەپىلمەن شىعارىلدى، ال امانجولوۆ پەن بايمەڭديەۆ ەشقايدا شىقپايتىنىن جازىپ قولحات بەرگەن.
2016-جىلى 2- قاراشادا رۋسلان كۇلەكبايەۆ بارلىعى 68 جىلعا باس بوستاندىعىنان ايىرىلىپ، ءومىر بويىنا سوتتالدى جانە كىسى ءولتىرۋ، قاستاندىق جاساۋ، قاراقشىلىق شابۋىل، قارۋ ۇرلاۋ جانە زاڭسىز پايدالانۋ، زاڭسىز قارۋ ازىرلەۋ، زاڭسىز باس بوستاندىعىنان ايىرۋ، كولىك ايداپ اكەتۋ، تەررورلىق اكت قىلمىستارى ءۇشىن ءولىم جازاسىنا كەسىلگەن. 2003-جىلى ەلباسى قول قويعان موراتوريعا بايلانىستى ءولىم جازاسى ءالى ورىندالعان جوق.
«الماتىلىق اتقىش» تۋرالى العاشقى دەرەك تەراكت بولعان كۇنى پايدا بولدى.
ق ر ۇ ق ك ءتوراعاسى ۆلاديمير جۇماقانوۆ 1990-جىلى 11- ماۋسىمدا تۋعان كۇلەكبايەۆ رۋسلان الپىسباي ۇلىنىڭ ۇستالۋى تۋرالى ايتىپ بەردى. قىزىلوردا وبلىسىنىڭ تۋماسى، بۇرىن بايقوڭىردا تۇرعان، ۇيلەنگەن. الماتى وبلىسى ىلە اۋدانى ىنتىماق اۋىلىندا تۇرىپ، ۇيالى تەلەفون ساتۋمەن اينالىسقان.
2010-جىلى 27- تامىزدا شىمكەنت قالاسى ەڭبەكشىقازاق اۋداندىق سوتىنىڭ شەشىمىمەن ق ر ق ك 178-بابى 2-بولىگى «كۇش قولدانۋ ارقىلى توناۋ» بويىنشا سوتتالعان. 2012-جىلى 8- مامىردا قىزىلوردا قالالىق سوتىنىڭ شەشىمىمەن 251-باپ بويىنشا («وق اتاتىن قارۋدى زاڭسىز ساتىپ الۋ جانە ساقتاۋ») 2 جىل 11 ايعا باس بوستاندىعىنان ايىرىلدى. الدىن الا بەرىلگەن مالىمەت بويىنشا، قازاقستاندا تىيىم سالىنعان ءدىني اعىم ۇستانۋشىلارىمەن تۇرمەدە تانىسقان.
18- شىلدەدە قىلمىس جاساۋىنا قۇقىق قورعاۋ ورگاندارى قىزمەتكەرلەرىنەن تۇرمەدە وتكىزگەن جىلدارى ءۇشىن كەك الۋ ماقساتى سەبەپ بولعان.
تەرگەۋ بارىسىندا تەراكت جانە لاڭكەستىڭ وزىنە قاتىستى جاڭا دەرەكتەر تۋىندايدى: ول پوليتسەيلەردەن عانا ەمەس، سۋديالار مەن پروكۋرورلاردان دا ءوش الماق بولىپتى. سول سەبەپتى ا ءى ءى ب- نەن بۇرىن المالى اۋداندىق سوتىنا بارىپ، ارنايى فورما كيگەن ادامداردى كۇتكەن. ەشكىمدى جولىقتىرماعان سوڭ، پوليتسيا باسقارماسىنا اتتانعان.
كۇلەكبايەۆ بوزبالا كەزىندە كيكبوكسينگپەن اينالىسقان. پەينتبول ويىنى ارقىلى قارۋ اتۋدى دا ۇيرەنىپتى.
ءبىرىنشى رەت كۇلەكبايەۆ 2010-جىلى ايەل ادامدى توناعانى ءۇشىن سوتتالعان. ول جابىرلەنۋشىنىڭ باسىنان ۇرىپ، 115000 تەڭگە سالىنعان سومكەسىن الىپ كەتكەن. بۇل قىلمىسى ءۇشىن بولاشاق لاڭكەس ەكى جىلعا شارتتى تۇردە سوتتالادى.
ال تۇرمەگە 2012-جىلى تۇسەدى. ول كەزدە كۇلەكبايەۆتان ريەۆولۆەر، وق-ءدارى جانە باسەڭدەتكىش تابىلىپ، 3,5 جىلعا سوتتالعان ەدى.
