استانادا بويجەتكەن ۇرلاپ مىنگەن كولىگىمەن جول اپاتىنا ۇرىندى
17- شىلدە كۇنى 11 ساعات 52 مينۋتتا سەلينوگراد اۋداندىق پوليتسيا قىزمەتىنە استانا قالاسىنىڭ ەسىل اۋداندىق ءى ءى ب- ىنداعى ارىپتەستەرىنەن 23 جاستاعى ەلوردا تۇرعىنىنىڭ كولىگى ۇرلانعاندىعى تۋرالى حابارلاما ءتۇستى.
جابىرلەنۋشى قوسشى اۋىلى ماڭىنداعى «چيستىە پرۋدى» دەمالىس ورنى اۋماعىندا ەكەۋى بىرلەسىپ سپيرتتىك ىشىمدىك ىشكەننەن كەيىن تانىسى ونىڭ Lexus RX 350 اۆتوكولىگىن رۇقساتسىز ايداپ كەتكەندىگىن ءمالىم ەتكەن.
اقمولا پوليتسەيلەرى كولىكتى ايداپ اكەتكەن بويجەتكەندى ۇستاۋ ماقساتىندا دەرەۋ ىسكە كىرىستى. ءتارتىپ ساقشىلارى ونى استانا اۋماعىندا ۇستادى، الايدا بويجەتكەن سول ارالىقتا جول كولىك اپاتىن سەبەپشى بولعان.
كولىك ءبىرشاما زارداپ شەككەن. جابىرلەنۋشى كەلتىرىلگەن شىعىن كولەمىن 30 ميلليون تەڭگەگە باعالادى. پوليتسيا قىزمەتكەرلەرىنىڭ مالىمەتىنشە، بيىلعى جىلدىڭ باسىنان باستاپ اقمولا وبلىسىندا 52 كولىك قۇرالدارىنىڭ ۇرلانۋ وقيعاسى تىركەلگەن.
