قازاقستاندىق بوكسشىلار فيليپپيندەگى ازيا چەمپيوناتىنا قاتىسادى

قۇرلىقارالىق بىرىنشىلىككە 20 دان استام مەملەكەتتىڭ سپورتشىلارى قاتىسقالى وتىر.

«كەيىنگى جىلدارى ءبىز ازيالىق بوكستىڭ دامۋىن باقىلاۋعا الدىق. الدا وتەتىن جاس وسپىرىمدەر چەمپيوناتى قارساڭىندا سالىستىرمالى تۇردە 2013-جىلى شىمكەنتتە وتكەن چەمپيوناتقا 13 ەلدەن 98 ادام، 2015-جىلى تاشكەنتتە 14 مەملەكەتتەن 103 بوكسشى قاتىسقاندىعىن اتاپ وتۋگە بولادى. بيىلعى جىلى اتلەتتەر سانى 160 تان اسادى دەپ كۇتىلۋدە»، - دەدى ازيا بوكس كونفەدەراتسياسىنىڭ اتقارۋشى ديرەكتورى باعداۋلەت تورەحانوۆ.

قۇرلىقارالىق بوكس ۇيىمىنىڭ مالىمەتىنشە، بيىلعى تۋرنيرگە نەپال جانە ساۋد ارابياسى كوماندالارى العاش رەت قاتىسپاقشى.

كوماندالارىنىڭ تولىق قۇرامدارى جايلى ازيالىق ءوڭىردىڭ كوشباسشىلارى - قازاقستان، وزبەكستان جانە وڭتۇستىك كورەيا ەلدەرى ءمالىم ەتتى. چەمپيونات پۋەرتو-پرينسەسا قالاسىندا 1 - 7- تامىز ارالىعىندا وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى