مينيستر قاسىمبەك ارەندالىق ءۇيدىڭ باعاسىن جاريالادى

ونى تەك جالعا الۋعا عانا بولادى، دەپ حابارلايدى قازاقپارات ءتىلشىسى. «ارەندالىق پاتەرلەردى ءبىز اكىمدىكتىڭ تىزىمىندە تۇرعاندارعا بەرەتىن بولامىز. ول ءتىزىمدى اكىمدىك ءوزى ۇسىنادى. ارەندالىق پاتەردىڭ ءبىر شارشى مەترى ايىنا 100 تەڭگە بولادى. سوندا ءبىر پاتەردىڭ اۋدانى 50 شارشى مەتر بولسا، ءبىر ايلىق جالعا الۋ قۇنى 5000 تەڭگە بولادى. ول تەك پاتەردى جالعا الۋ اقىسى عانا، ونىڭ سىرتىندا كوممۋنالدىق تولەمدەر تاعى بار»، - دەدى ق ر ينۆەستيتسيالار جانە دامۋ ءمينيسترى جەڭىس قاسىمبەك بۇگىن ۇكىمەت وتىرىسىنان كەيىنگى باسپا ءسوز ءماسليحاتىندا.

ايتا كەتەيىك، ۇكىمەت وتىرىسى بارىسىندا مينيستر ارەندالىق تۇرعىن ۇيلەردىڭ قۇرىلىسى جايىندا ايتىپ بەردى. ونىڭ سوزىنە قاراعاندا، بيىل 3 مىڭعا جۋىق ادام ارەندالىق پاتەرگە كىرەتىن بولادى.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى