حالىققا جەڭىلدەتىلگەن يپوتەكا بەرىلە باستادى - مينيستر قاسىمبەك

ول ءۇشىن يپوتەكالىق زايمداردى سۋبسيديالاۋ ماقساتىندا بيۋدجەتتەن 10 ميلليارد تەڭگە ءبولىندى. قازىرگى كەزدە ول اقشانىڭ 4,3 ميلليارد تەڭگەسى قازاقستاننىڭ يپوتەكالىق كومپانياسىنا اۋدارىلدى، دەپ حابارلايدى قازاقپارات ءتىلشىسى.

«بۇگىندە باتىس قازاقستان، ماڭعىستاۋ، شىعىس قازاقستان مەن اقمولا وبلىستارىندا، استانا مەن الماتى قالالارىندا حالىققا جەڭىلدەتىلگەن يپوتەكا بەرىلە باستادى. اتالعان باعدارلاماعا تاعى جەتى بانك قاتىسۋعا دايىن وتىر. سونىڭ ىشىندە ءتورت بانك اعىمداعى جىلدا 30 ميلليارد تەڭگەنىڭ 2 مىڭ زايمىن بەرەمىز دەپ وتىر. دەگەنمەن، ەكىنشى دەڭگەيلى بانكتەر ءالى كۇنگە دەيىن جەڭىلدەتىلگەن يپوتەكانى بەرۋگە اسىقپاي وتىر. نەگىزگى سەبەپ - ۇزاقمەرزىمدى تەڭگە ۆاليۋتاسىنىڭ بولماۋى. وعان يپوتەكا بويىنشا زاڭنامانىڭ كۇشەيۋى دە اسەر ەتىپ وتىر»، - دەدى ق ر ينۆەستيتسيالار جانە دامۋ ءمينيسترى جەڭىس قاسىمبەك ۇكىمەتتىڭ بۇگىنگى وتىرىسىندا.

ايتا كەتەيىك، وتىرىس بارىسىندا مينيستر «نۇرلى جەر» مەملەكەتتىك باعدارلاماسى بويىنشا جارتى جىلدىڭ ىشىندە سالىنعان باسپانانىڭ سانىن جاريالادى. سونداي-اق، قاي وبلىستا جەر ۋچاسكەلەرىنىڭ كوپتەپ بەرىلەتىنىن جەتكىزدى.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى