ساعىنتايەۆ: ۇكىمەت مۇشەلەرى بوساڭسۋعا بولمايدى
«ستاتيستيكالىق مالىمەتتەر كورسەتكىشى جامان ەمەس. بۇل ورتاق جۇمىسىمىز، ەلباسىنىڭ تاپسىرماسىن ورتالىق، وڭىرلەردەگى جەرگىلىكتى اتقارۋشى ورگاندار بىرلەسىپ اتقاردىق. ءوسىم جوعارىدا اتاپ وتىلگەندەي 4,2 پروتسەنت بولدى. دەگەنمەن، نەگىزگى جۇمىستاردى ەكىنشى جارتىجىلدىقتا اتقارۋعا تۋرا كەلەدى. ءبىز ءدال وسى قارقىندى ۇستاپ تۇرۋعا ءتيىسپىز. سوندىقتان بوساڭسۋعا بولمايدى»، - دەدى باقىتجان ساعىنتايەۆ.
سونىمەن قاتار ول الداعى ۋاقىتتا مەملەكەت باسشىسىنىڭ تاپسىرمالارىن ورىنداۋ ءۇشىن ورتالىق جانە جەرگىلىكتى اتقارۋشى ورگاندار ءتيىستى شارالار قابىلداۋى قاجەت ەكەندىگىن باسا ايتتى. «سونىمەن قاتار بيۋدجەت قارجىسىنىڭ شىعىس بولىگىنىڭ ورىندالۋىنا مونيتورينگ جۇرگىزۋ قاجەت. ارتتا قالىپ جاتقان جايتتاردى دا كورىپ وتىرمىز. ءالى دە جارتى جىل ۋاقىت بار»، - دەدى ۇكىمەت باسشىسى.
