ۇلتتىق قاۋىپسىزدىك كوميتەتىنىڭ بۇرىنعى باسشىسى نارتاي دۇتبايەۆ سوت الدىنا كەلدى
رەسپۋبليكالىق اسكەري سوتتىڭ باسپا ءسوز قىزمەتىنىڭ مالىمەتى بويىنشا، ۇلتتىق قاۋىپسىزدىك كوميتەتىنىڭ بۇرىنعى باسشىسىنىڭ ءىسى سوتتا قارالىپ جاتىر. ءىس ماتەريالدارى مەملەكەتتىك قۇپيا بولعاندىقتان پروتسەس جابىق وتەدى.
ايتا كەتەيىك، نارتاي دۇتبايەۆ پەن ءىستىڭ وزگە فيگۋرانتتارىنا قاتىستى تەرگەۋ قۇپيا تۇردە ءجۇردى. نارتاي دۇتبايەۆتىڭ ۇستالعانى تۋرالى 2016-جىلدىڭ 28- جەلتوقسانىندا بەلگىلى بولدى. ول كەزدە ۇلتتىق قاۋىپسىزدىك كوميتەتىنىڭ وكىلدەرى بۇرىنعى باسشىعا قاتىستى تەرگەۋ ءجۇرىپ جاتقانىن مالىمدەگەن.
نارتاي دۇتبايەۆ، نۇرلان حاسەنوۆ جانە ەرلان نۇرتايەۆ «مەملەكەتتىك قۇپيانى جاريا ەتۋ» جانە «بيلىك پەن قىزمەتتىك وكىلدىگىن اسىرا پايدالانۋ» دەگەن كۇدىكپەن ۇستالعان بولاتىن. كۇدىكتىلەر ۇ ق ك- ءنىڭ تەرگەۋ اباقتىسىنا قامالعان ەدى.
ەسكە سالايىق، نارتاي دۇتبايەۆ ۇلتتىق قاۋىپسىزدىك كوميتەتىن 2001- جىلدىڭ جەلتوقسانىنان 2006-جىلدىڭ اقپانىنان دەيىن باسقارعان بولاتىن.
