تانىمايتىن قىزدى الىپ قاشپاق بولعان اقتوبەلىك سوتتالىپ جاتىر - فوتو

اقتوبەدە «قىز الىپ قاشۋدىڭ» ارتى سوتقا جەتتى. بۇعان دەيىن حابارلاعانىمىزداي، وسى وقيعاعا بايلانىستى قىلمىستىق كودەكستىڭ «ادام ۇرلاۋ» بابى بويىنشا ءىس قوزعالدى. بۇگىن وسى ىسكە قاتىستى سوت وتىرىسى باستالدى. «14 -ماۋسىم كۇنى سانات ءومىرزاقوۆ پەن الدابەرگەن جۇماجانوۆ ەكەۋى ءسوز بايلاسىپ، قىز الىپ قاشپاق بولدى. سانات ءومىرزاقوۆ 2013 -جىلدان باستاپ جۇرگەن قىزى ياكي بولاشاق قالىڭدىعىمەن ءسوز بايلاسقان. ءبىراق قىزدىڭ اتا-اناسى ەكەۋىنە قارسى بولدى. كەيىن ولار بىرىگىپ، امانبەك قىزى «الىپ قاشۋعا» كەلىسىم بەرەدى. سانات ءومىرزاقوۆ قالاعا كەلىپ، سۇيىكتىسىنە حابارلاسادى.

ال امانبەك قىزى «كىشكەنتاي باۋىرلارىمنىڭ قاسىندا وتىرمىن، ولاردى قارايتىن ەشكىم جوق» دەپ جاۋاپ قايتارعان. سول كەزدە اشۋلانعان، «تۋعان- تۋىستارىمنىڭ، اعايىمنىڭ الدىندا ۇياتقا قالدىم» دەگەن سانات ءومىرزاقوۆ دوسىمەن كەزدەسىپ، ەكەۋى سىرا ىشەدى.

سول كەزدە الىپ قاشۋ تۋرالى ويلاپ، اۋىلعا تاكسي جالداپ الادى. تاكسيمەن اقتوبە قالاسىنداعى اراي-1 بازارىنا كەلىپ، سول جەردە كەزدەسكەن 20 جاستاعى قىزدى كورىپ، «قالىڭدىق ەتىپ الۋعا كەلەتىن قىز ەكەن» دەگەن تۇجىرىمنان سوڭ سانات ءومىرزاقوۆ قىزدىڭ بەلىنەن ۇستاپ، ماشيناعا كۇشتەپ سالماق بولادى. سول كەزدە بويجەتكەندى بازاردىڭ كۇزەتشىسى قۇتقارىپ قالعان»، - دەدى ايىپتاۋ قورىتىندىسىن وقىعان پروكۋرور.

ايتا كەتەيىك، سوت وتىرىسى كەزىندە ايىپتالۋشى سانات ءومىرزاقوۆ بار كىنانى مويىندادى. پروكۋرور اسىلحان سارسەنبايەۆتىڭ ايتۋىنشا، سوت- مەديتسينالىق ساراپتاما كەزىندە 20 جاستاعى جابىرلەنۋشىنىڭ ەكى يىعى قانتالاعان، دەنساۋلىققا جەڭىل زيان كەلتىرگەن دەگەن شەشىم شىعارىلعان. سوت وتىرىسى جالعاسىپ جاتىر.

اۆتور: التىناي ساعىندىقوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى