اتاقتى بولۋ - ۇيات

الدىڭنان كەلسە -  تىستەيسىڭ، ارتىڭنان كەلسە -  تەبەسىڭ. قۋعانعا -  جەتكىزبەيسىڭ، قاشقاندى -  قۇتقارمايسىڭ. سەن دەپ ءولىپ- وشكەننىڭ جانىنا جۋىمايسىڭ.

ال ەندى اتاق- داڭقتا شارۋاسى جوق، جازۋ ۇستەلىنەن باس كوتەرمەي، عۇمىرى ۇنەمى ىزدەنىس ۇستىندە ەتەتىن ەڭبەكقور سورلىلاردىڭ سوڭىنان قالمايسىڭ. بىرەۋلەردى ادام باسى اينالار بيىككە شىعارساڭ، بىرەۋلەردى سونداي بيىكتەن شىڭىراۋ تۇبىنە سۇيەكتەي لاقتىراسىڭ. قاي جاعىڭنان كەلۋگە بولادى ساعان؟ !" دەپ باياندايدى قازاقتىڭ كلاسسيك اقىنى قادىر مىرزا ءالي ءوزىنىڭ "جازمىش" اتتى كىتابىنىڭ "داڭق" تاراۋشاسىندا. راسىندا، اقىن- جازۋشى مەن داڭقتىڭ قاتار جۇرەتىنى زاڭدىلىق. ول نە سور اكەلەدى، نە باق اكەلەدى. ءسىزدىڭ داڭق تۋرالى تۇسىنىگىڭىز قانداي؟ بۇل تۋراسىندا اقىن- جازۋشىلار نە دەدى؟

***

شىن داڭققا لايىقتى ادامدار سول داڭقتىڭ بولماعانىن قالايدى فەرناندو پەسوا

***

ولگەننەن كەيىنگى داڭق قانا ارۋاقتىڭ جانىنا جاقىن... ال، قازىرگى، كوزىڭنىڭ تىرىسىندەگى داڭق، اسىرەسە قولدان جاسالعان داڭقتىڭ قۇنى - كوك تيىن. م. ۆ. گوگول

***

اتاقتى بولۋ - ۇيات. بوريس پاستەرناك

***

اتاقتى بولۋ -  تاماشا، سالماقتى بولۋ -  كوپ ارتىق. الەكساندر پۋشكين

***

اتاق پەن تيتۋلدار ەل الدىندا ەرەن ەڭبەك جاساعاندار ءۇشىن ويلاپ تابىلعان. ءبىراق ول قانداي ەل ەكەنى بىزگە بەلگىسىز. بەرنارد شوۋ

***

داڭق تۇسىڭە ءبىر كىرسە بولدى، ول سەنى اۋرۋعا، ەمى جوق اۋرۋعا اينالدىراتىن داۋاسىز دەرت. پول ۆالەري

***

نەگىزى، اتاققا لايىق قىزمەت ەتپەي سول اتاقتى اسىنىپ جۇرگەننەن، اتاققا لايىق قىزمەت ەتىپ، ونى رەسمي تۇردە الۋدان باس تارتقان الدەقايدا ادامشىلىق. مارك تۆەن

***

ولىمنەن باسقانىڭ ءبارىن وتكىزۋگە بولادى، جاقسى اتاقتان باسقانىڭ بارىنە شىداۋعا بولادى. وسكار ۋايلد

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى