وزبەكستاندا كۋشان پاتشاسىنىڭ ءمورى تابىلدى

جاڭالىق جايىندا عىلىم اكادەمياسىنىڭ ونەر تانۋ ينستيتۋتىنىڭ ءبولىمىنىڭ مەڭگەرۋشىسى، ونەرتانۋ ەكسپەديتسياسىنىڭ جەتەكشىسى، تاريح عىلىمدارىنىڭ كانديداتى باحودير تۇرعىنوۆ ءمالىم ەتتى.

ونىڭ ايتۋىنشا، ءموردىڭ ەكى جاعىندا دا ەر ادامنىڭ بەينەسى بەينەلەنگەن.

«حيميالىق وڭدەۋ بارىسىندا بۇنىڭ اۋلەتتىڭ نەگىزىن قالاۋشى قۇدج ۇلى كادفيزدىڭ ۇلدارىنىڭ ءبىرى - ۇلى كۋشان يمپەراتورى ۆيما كادفيز ەكەندىگى انىقتالدى. ول ءبىزدىڭ ەرامىزعا دەيىن شامامەن 110-127-جىلدارى مەملەكەت باسقاردى (باسقاشا مالىمەتتەرى دە بار) جانە ونىڭ قۋاتتىلىعىن ايتارلىقتاي نىعايتقان. پاتشانىڭ ءمورى سانالاتىن بۇل مونەتانى ارحەولوگتار وزبەكستانداعى كۋشان يمپەرياسىنىڭ تاريحي ەسكەرتكىشتەرىن زەرتتەۋ بارىسىنداعى ەكسپەديتسيا تاريحىنداعى ەرەكشە ولجاعا بالاپ وتىر. ونىڭ ۇلى كانيشكيدىڭ ءمورىنىڭ (شامامەن 127-154 -جىلدارى ەل باسقارعان) جارتى عاسىر بۇرىن ءۇندىستاننان تابىلعان»، - دەيدى وزبەكستاندىق ارحەولوگ.

ەسكە سالا كەتسەك، كۋشان پاتشالىعى قازىرگى ورتا ازيانىڭ ەداۋىر بولىگىن، اۋعانستاندى، باتىس پاكىستاندى، سولتۇستىك ءۇندىستاندى، شىعىس تۇركىستاندى قامتىلعان. كونە دۇنيەدە زور ءرول اتقارعاندىعىنا قاراماستان، كۋشان پاتشالىعىنىڭ تاريحى جەتكىلىكتى زەرتتەلمەگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى